ރާއްޖެ

މާލޭސިޓީ ކައުންސިލްގެ މޭޔަރުގެ މަޤާމުގައި ހުންނެވި އާދަމް އާޒިމާއި، އައްޑޫ ސިޓީ ކައުންސިލްގެ މޭޔަރު ކަމުގެ މަޤާމުގައި ހުންނެވި، ޢަލީ ނިޒާރާއި، ކުޅުދުއްފުށީ މޭޔަރުގެ މަޤާމުގައި ހުރި، މުޙައްމަދު އާތިފާއި، ފުވައްމުލަކު ސިޓީގެ މޭޔަރުގެ މަޤާމުގައި ހުންނެވި އިސްމާޢީލް ރަފީޤާއި، ތިނަދޫ މޭޔަރުގެ މަޤާމުގައި ހުރި ސަޢުދު ޢަލީވެސް ވަނީ ގޮނޑި ދިފާޢުކުރައްވާފައެވެ. މީގެ އިތުރުން ސިޓީކައުންސިލްތަކުގެ މެޖޯރިޓީވެސް ހޯދާފައި ވަނީ އެމްޑީޕީންނެވެ.

މިހާތަނަށް ސާފު ކުރެވިފައިވާ، ވަގުތީ ނަތީޖާގައި، މިހާރުވެސް މާލޭ ސިޓީގެ މޭޔަރުކަމުގެ މަޤާމުގައި ހުންނެވި، އާދަމް އާޒިމަށް މަޤާމު ދިފާއުކުރެއްވޭނެ ކަމަށް ވަނީ ޔަޤީން ވެފައެވެ. އައްޑޫ ސިޓީގެ މޭޔަރުކަމުގެ މަޤާމުގައި ހުންނެވި، ޢަލީ ނިޒާރަށް އައްޑޫ ސިޓީގެ ފޮށިތަކުން ވަނީ ބޮޑު ކާމިޔާބެއް ލިބިވަޑައިގެންފައެވެ. ކުޅުދުއްފުށި ސިޓީގެމޭޔަރުގެ މަޤާމުގައި މިހާރު ހުންނެވި މުޙައްމަދު އާތިފަށް އެސިޓީގެ ފޮށިތަކުން ވަނީ ކުރި ލިބިވަޑައިގެންފައެވެ.

އިލެކްޝަންސް ކޮމިޝަނުން ވިދާޅުވީ، މިރޭ 8:30 ވީއިރުވެސް 7 ފޮށި ބަންދު ނުކުރެވޭ ކަމަށެވެ. ކޮމިޝަންގެ ނައިބު ރައީސް ސަލާޙް ރަޝީދު ވިދާޅުވީ، އިންތިޚާބުގެ ވޯޓުލުމަށް ބެހެއްޓި 588 ފޮށީގެ ތެރެއިން މިހާތަނަށް ބަންދުކުރެވިފައި ވަނީ 58 ފޮށި ކަމަށެވެ.

ޚިޔާލު ހޯދުމުގެ ވޯޓުގައި މިހާތަނަށް ނަތީޖާ ލިބިފައވާ ޝީޓުތަކުގައި، ބޮޑު ތަފާތަކުން ރައްޔިތުން ނިންމާފައި ވަނީ، ދެއިންތިޚާބު އެއްކޮށް ބޭއްވުމަށް ޤާނޫނު އަސާސީއަށް ގެނެސްފައިވާ އިސްލާޙްގެ ބިލު ރައީސުލްޖުމްހޫރިއްޔާ ތަޞްދީޤު ކުރެއްވުމަށް ނުފެންނަ ކަމަށެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ، މި ދެދުވަސް ސަރުކާރު ބަންދު ދުވަހުގެ ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަނޑައެޅުއްވީ އެ ދެދުވަސް ބަންދުކޮށް ދެއްވުމަށް އިލެކްޝަންސް ކޮމިޝަނުން އެދިވަޑައިގެންފައި ވާތީއެވެ.

ފުލުހުންގެ އިދާރާއިން ވިދާޅުވީ، މިހާތަނަށް ތަހުގީގަށް ލިބިފައިވާ މައުލޫމާތަށް ބަލާއިރު، މި ހާދިސާ ހިނގަން މެދުވެރިވި ކަމަށް ބެލެވެނީ ބަންދުކޮށްފައިވާ ތަނެއްގައި ޖެނެރޭޓަރެއް ހިންގާފައި ހުއްޓާ، އޭގެއިން ބޭރުވި ދުމުގެ އަސަރު އެތަނުގައި ނިދާފައި ތިބި 5 މީހުންނަށް ކުރުމުގެ ސަބަބުން ކަމަށެވެ. އޭގެ ތެރޭގައި ހިމެނެނީ ބިދޭސީ 4 މީހުންނާއި ދިވެއްސެކެވެ.

އެމްއެންޑީއެފުން ވިދާޅުވީ، ރޯވެ އެނދި އެ އެކޮމަޑޭޝަން ބުލޮކަކީ މިހާރު ފަޅަށް ހުންނަ ތަނެއް ކަމާއި އެތަނުގައި އަލިފާން ރޯވާން ދިމާވި ސަބަބެއް ނޭނގޭ ކަމަށެވެ. އެތަނުގައި އަލިފާން ރޯވެގެން އެމްއެންޑީއެފަށް ރިޕޯޓްކޮށްފައި ވަނީ މިއަދު ހަވީރު، 17:12 ހާއިރުގައި ކަމަށް އެމްއެންޑީއެފުން ވިދާޅުވިއެވެ.

ކިއޫތައް ބަންދުކޮށްފައި ވަނީ، ހަވީރު 5:00 އިންފެށިގެންނެވެ. އެހާތަނަށް، ވޯޓުލުން ނިމިފައިވާ ފޮށިތަކާއި، ކިއޫގައި މީހަކު ނެތް ފޮށިތައް މިހާރު ވަނީ ބަންދުކޮށްފައެވެ. އިންތިޚާބުތަކާއިބެހޭ އާއްމު ޤާނޫނުގައި ބަޔާންކޮށްފައިވާ ގޮތުން ވޯޓުގުނުމަށްޓަކައި އަލުން ފޮށިތައް ހުޅުވާނީ، 1 ގަޑިއިރު ފަހުންނެވެ. ވޯޓުލާހުރިހާ މަރުކަޒެއްގައިވެސް އެމަރުކަޒެއްގައި ހުރި ވޯޓުފޮށިތައް އާއްމުންގެ ކުރިމަތީގައި ގުނައި ނަތީޖާ އިޢުލާނު ކުރާނެއެވެ.

ބުރާސްފަތި ދުވަހުގެ ރޭ މެންދަމު ހިނގި އަލިފާނުގެ ހާދިސާގައި ވަނީ، ގއ. އަތޮޅު ތަޢުލީމީ މަރުކަޒުގެ އެއް ބްލޮކް އެއްކޮށް އަނދައިގެން ގޮސްފައެވެ. އަލިފާނުގެ ހާދިސާގައި އަނދައިގެން ދިޔައީ، އެމަރުކަޒުގެ ޕްރައިމަރީ ގްރޭޑްތަކުގެ ޓީޗަރުންގެ ސްޓާފްރޫމާއި ބީޓެކް ދަރިވަރުން ބޭނުންކުރާ ކްލާސްރޫމު ކަން އެނގިފައިވެއެވެ.

އެކޮމިޝަނުން ވިދާޅުވީ، 16:00 އާއި ހަމައަށް ޖުމުލަ 185709 މީހުން ވޯޓުލާފައި ވާކަމަށެވެ. އެއީ ވޯޓު ދިނުމުގެ ޙައްޤު ލިބިފައިވާ މީހުންގެ %63 އެވެ. އެހާތަނަށް ވޯޓު ނުލައި ތިބީ، 109167 މީހުންނެވެ. އެއީ ވޯޓު ދިނުމުގެ ހައްޤު ލިބިފައިވާ މީހުންގެ %37 އެވެ.

މިހާރު ބައެއް ވޯޓުލާ މަރުކަޒު ތަކުގައި އޮތީ ވަރަށް ކިއޫ ބޮޑުވެފައެވެ. ޚާއްޞަކޮށް، ހުޅުމާލެ ފޭސް 2 ގައި ކާމިލު ދީދީ ޕްރައިމަރީ ސްކޫލުގައި ބަހައްޓާފައި ހުރި ވޯޓުފޮށިތަކުގެ ކިއޫ ވަރަށް ދިގެވެ. ކާމިލުދީދީ ޕްރައިމަރީ ސްކޫލުގައި އަތޮޅުތަކުގެ މީހުން ވޯޓުލުމަށް ބަހައްޓާފައިވާ ވޯޓުފޮއްޓަކަށް ވޯޓުލީ މީހަކު ބުނީ، އޭނާ ކިއޫއަށް އެރީ 11:30 ގައި ކަމަށާއި، 3:30 ވީ އިރުވެސް ވޯޓު ނުލެވޭ ކަމަށެވެ.

އެމްޓީސީސީން ދެމުން އަންނަ، މާލެ ޓެކްސީ ޚިދުމަތުގައި ބޭނުން ކުރާ ކުޑަ ކާރެއް މިއަދު މެންދުރު މަގުމަތީގައި މަޑުކޮށްގެން އޮތް އިރު، މުޅިމަގު ބްލޮކްވެފައި އޮއްވައި ނަގާފާއިވާ ވީޑިއޯއެއް ސޯޝަލް މީޑިއާގައި އަންނަނީ ދައުރު ކުރަމުންނެވެ. އަދި އެކާރު ހުއްޓިފައި އޮތީ ބެޓެރީ ޗާޖު ހުސްވެގެން ކަމަށް ބުނެ ބައެއް މީހުން ވާހަކަ ފެތުރި ނަމަވެސް، އަމީނީ މަގުން ފެން ބިލްޑިންގ ކުރިމަތީގައި އެކާރު މަޑުކޮށްފައި އޮތީ އެކްސިޑެންޓެއް ވުމުން ކަމުގައި، ފުލުހުންގެ އިދާރާއިން ވިދާޅުވިއެވެ.

އެޓެންޓް ޖަހާފައި ހުރީ، ދަނޑުގެ ވިނަގަނޑުމައްޗާއި ބިންމަތީގައި، ސަތަރި، ނުވަތަ ކާޕެޓްފަދަ އެއްވެސް އެއްޗެއް ނާޅައި ކަމަށް ވުމުން، ޓެންޓުގެ އޭސީތައް ޖެއްސުމާއި އެކު އޭސީތަކަށް ދަމާވަޔާއެކު، ތަނުގެ ތެރޭގައި ވަނީ މުޅިން ހިރަފުސް ބޯވެފައެވެ. އެހެންވެ އެޓެންޓުގެ އެކި ދިމަދިމާއިން މިހާރު ހުރީ ހުޅުވާފައެވެ.

މޯލްޑިވްސް މީޓިއޮރިލޮޖިކަލްް ސަރވިސްއިން ވިދާޅުވީ، މިބިން ހެލުން ރިކޯޑު ކުރެވިފައި ވަނީ، މިއަދުގެ 9:56 ހާއިރުގައި ކަމަށެވެ. މިޑް އިންޑިއަން ރިޖަށްއައި މި ބިންހެލުމުގެ މަރުކަޒު ހުރީ އައްޑޫ ސިޓީގެ ދެކުނުން 2553 ކިލޯ މީޓަރުގެ ދުރު މިނުގައި ކަމަށާއި، ބިންހެލުމުގެ ބާރުމިން ހުރީ ރިކްޓަރ މިންގަނޑުން 5.3ގައި ކަމަށްވެސް މެޓް އޮފީހުން ވިދާޅުވިއެވެ.

އާއްމުކޮށް އިންތިޚާބުތަކުގައި ވޯޓިން ބޫތު ހަދާފައި ހުންނަނީ، ގުދުވެގެން އޮވެ ފާހަގަ ޖަހަން ޖެހޭ ގޮތަށް ނަމަވެސް، ސީދަލަށް ކޮޅަށް ހުރެ ފޮއްޓަށް ވޯޓު ލެވޭގޮތަށް، މީގެ ކުރިން ވޯޓުފޮށިތައް ބަހައްޓަމުން އައީ މޭޒެއްގެ މަތީގައެވެ. އެހެން ނަމަވެސް މިއަދު ކުރިޔަށްދާ އިންތިޚާބުގައި، ވޯޓުލާ ކޮންމެ މަރުކަޒެއްގައިވެސް ވަކި ތިން ފޮށި ހުންނައިރު، އެފޮށިތައް ބަހައްޓާފައި ހުރީ، ތަޅުން މަތީގައެވެ. އެހެންވެ ފޮށީގެ ލޭބަލް ކިޔާށާއި ވޯޓު ކަރުދާސް ލުމަށްޓަކައި މީހުން ޖެހެނީ ގުދުވާށެވެ.

އެކޮމިޝަނުން 9 ޖެހިފަހުން މީޑިއާ އާއި ޙިއްޞާކުރި މެސެޖުގައި ވިދާޅުވީ، އެހާތަނަށް، ޖުމްލަ 588 ފޮށީގެ ތެރެއިން 585 ފޮށީގެ ވޯޓުލުން ވަނީ ފެށިފައިކަމަށެވެ. އަދި ހުރިހާ ފޮށިތަކެއްގައި ވޯޓުލުން ފެށިއްޖެކަމުގައި އިލެކްޝަންސް ކޮމިޝަނުން ހާމަކުރެއްވީ 9:30 ވީ ފަހުންނެވެ.

ހަބަރު ހުސްވެފައިވަނިކޮށް ފެނިފައި ވަނީ ހަތަރު ބިދޭސީންނާއި ދިވެއްސެއް ކަމަށާއި އެ އެންމެންނަކީ ވެސް ފިރިހެނުން ކަމުގައި ފުލުހުންގެ އިދާރާއިން ވިދާޅުވިއެވެ. ފުލުހުންގެ އިދާރާއިން ވިދާޅުވީ އެ މީހުންނަށް ފަރުވާ ދެމުން އަންނަނީ އައި.ޖީ.އެމް ހޮސްޕިޓަލުގައިކަމަށެވެ.

މި ދެ އިންތިޚާބުގެ ވޯޓުލުން ކުރިޔަށްދާނީ، ހެނދުނު 8:00 އިން ހަވީރު 4:00އަށް ކަމުގައި އިލެކްޝަންސް ކޮމިޝަނުން ވަނީ ވިދާޅުވެފައެވެ. އެކޮމިޝަނުން ހާމަކުރައްވާފައިވާ ގޮތުގައި، ލޯކަލް ކައުންސިލް އިންތިޚާބަށް، ޖުމުލަ 1592 ކެންޑިޑޭޓުން ކުރިމަތިލާފައި ވެއެވެ. އަދި މި ދެއިންތިޚާބުގައި، ޖުމުލަ 294937 މީހުންނަށް ވޯޓު ދިނުމުގެ ޙައްޤު ލިބިފައި ވެއެވެ.

އުމުރުން 63 އަހަރުގެ ޙުސައިން ޙަބީބު ނިޔާވީ، ހުކުރު ދުވަހު މެންދުރުފަހު، ދަރިންނާއި އަންހެނުންނާއި އެކު، ވ. ފުލިދޫއަށް ޗުއްޓީއަށް ގޮސް މޫދަށް އެރި އުޅުމުގެ ތެރޭގައި ހިނގި ހާދިސާއެއްގައެވެ. އެހާދިސާ ހިނގި އިރު އެސަރަހައްދުގައި ތިބީވެސް އެއާއިލާގެ މީހުން އެކަނިކަން އެނގިފައިވެއެވެ.

އެމީހުން މެންދުރުފަހު މޫދަށް އެރުނީ ރަށުގެ ތުނޑީގައި އޮންނަ އޮއިބާރު ސަރަހައްދަކަށް ކަން އެނގިފައިވާ ކަމަށާއި، މޫދަށް އެރި އުޅުމުގެ ތެރޭގައި ދެކުދިން އޮޔާ ފުންތަނަށް ދަމައިގަތުމުން ޙަބީބު މަސައްކަތް ކުރީ ދެދަރިން ގެނބުނަނުދީ ސަލާމަތް ކުރުމަށް ކަމުގައި އެނގިފައިވާ ކަމަށް އިމްތިޔާޒު ވިދާޅުވިއެވެ.