ވިކުރާ

މޯލްޑިވިއަންގެ ޓިކެޓްތަކުން ފިއުލްސަރޗާޖު އެންމެ ބޮޑުކޮށްފައި ވަނީ ޗައިނާގެ މަންޒިލްތަކަށް ކުރާ ދަތުރުތަކަށެވެ. މިގޮތުން ޗެންޑޫއަށް ކުރާ ދަތުރުތަކަށް ނަގާ ފިއުލްސާޗާޖު ވަނީ، 260 ޑޮލަރަށް ބޮޑުކޮށްފައެވެ. އަދި ބެއިޖިންގއަށް ކުރާ ދަތުރުތަކަށް ނަގާ ފިއުލްސާޗާޖު ވަނީ 320 ޑޮލަރަށް ބޮޑުކޮށްފައެވެ.

މިފްކޯއިން ވިދާޅުވީ، އެކުންފުނިން ވިއްކާ ތެޔޮމަސްދަޅުގެ އަގަށް މިއަދު ގެނައި ބަދަލާ ގުޅިގެން، ރައްޔިތުންގެ ޚިޔާލާއި ރައްޔިތުންގެ ދިރިއުޅުމުގެ އަގަށް ރިޢާަޔަތްކޮށް، ކުރިން އޮތްގޮތަށް މަސްދަޅުގެ އަގު ދެމެހެއްޓުމަށް މިހާރު ވަނީ ނިންމާފައި ކަމަށެވެ. އެހެންކަމުން މިރެއިން ފެށިގެން މިފްކޯގެ މަސްފިހާރަތަކުން ކުރިއެކޭވެސް އެއްގޮތަށް ތެޔޮމަސްދަޅެއް 17.50ރ. އަށް އަދި ތެޔޮމަސްދަޅު ކޭހެއް 760ރ. އަށް ގަންނަން ލިބޭނެ ކަމަށެވެ.

މޯލްޑިވް ގޭހުގެ އެމްޑީ ޢަބްދުﷲ މުހައްމަދު ވިދާޅުވީ، ގޭސް ވިއްކާއަގަށް ބަދަލު ގެނައުމަަށް މިހާތަނަށް އަދި ނިންމާފައި ނުވާކަމަށާއި އެހެންނަމަވެސް އެކަމާއި ގުޅޭ މަޝްވަރާކުރުމަށް ކުންފުނީގެ ވެރިންގެ ބައްދުވުމެއް މިވަގުތު ކުރިޔަށްދާކަމަށެވެ. އަދި މޯލްޑިވް ގޭހުން އަގުތަކަށް ބަދަލު ގެނައުމަށް ނިންމާނަމަ އެކަން އިޢުލާނު ކުރާނެކަމުގައިވެސް ޢަބްދުﷲ މުޙައްމަދު ވިދާޅުވިއެެވެ. އޭނާ އިތުރަށް ވިދާޅުވީ މޯލްޑިވްގޭހަށް ސަޕްލަޔަރުންގެ އަތުން ގޭސް ގަންނަން ލިބޭ އަގު %70 ވުރެ ބޮޑުވެފައިވާ ކަމަށެވެ.

މިފްކޯއިން ބުނީ، ތެޔޮ މަސްދަޅެއްގެ އަގު ބޮޑު ކުރީ ކުރީގެ އަގަށް ވުރެ އެއް ރުފިޔާ ކަމަށާއި، މިހާރު ތެޔޮ މަސްދަޅެއް ވިއްކާ އަގަކީ، 18ރ 50ލާރި ކަމަށެވެ. އަދި 48 ދަޅުގެ ތެޔޮމަސް ކޭހެއް ވިއްކާ އަގު ބޮޑުކޮށްފައި ވަނީ 800ރ އަށް ކަމުގައިވެސް ކުންފުނިން ބުނެފައި ވެއެވެ.

އެކުންފުނިން ކަސްޓަމަރުންނަށް ފޮނުވާފައިވާ މެސެޖުގައި ބުނެފައި ވަނީ، އޭޕްރީލް 9 ވަނަ ދުވަހުން ފެށިގެން އާއްމު ގޭބިސީތަކުގައި ބޭނުންކުރާ ސައިޒު ކަމަށްވާ، 10 ކިލޯގެ ގޭސްފުޅި ދެން ވިއްކާނީ 350ރ އަށް ކަމަށެވެ.

މިގޮތުން އިއްޔެއާ ހަމައަށް 760ރ އަށް ވިއްކަމުން އައި 48ދަޅުގެ ތެޔޮމަސް ކޭހެއް މިއަދުން ފެށިގެން މިފްކޯގެ މަސްފިހާރަތަކުން ވިއްކަމުން ދަނީ، 800ރ އަށެވެ.

އަމިއްލަ ކުންފުންޏެއްގެ ވިޔަފާރި ނަމެއް ބޭނުންކޮށްގެ މިސަރުކާރުން ޓެކްސީ ޚިދުމަތް ފަށަން ތައްޔާރުވުމާއި އެކު، އެކަން ސަމާލުކަމަށް ގެނައުމުގެ ގޮތުން އެކުންފުނިން ވަނީ، އެމްޓީސީސީއަށް ސިޓީވެސް ފޮނުވާފައެވެ. އެގޮތުން ވިޔަފާރި ނަމުގެ ޤަވާއިދުތަކުގައިވާގޮތުގެ މަތިން އެނަން އެމްޓީސީސީން ބޭނުން ކުރުމަށް އިއުތިރާޒް ކުރާ ކަމުގައިވެސް މާރިޗުމަހުގެ 28 ވަނަ ދުވަހު އެކުންފުނިން އެމްޓީސީސީއަށް ފޮނުވާފައިވާ ސިޓީގައި ވަނީ ބުނެފައެވެ.

މި ހައުސިންގ ޔުނިޓްތައް އަޅަނީ، ޕޮލްކޯ ޓަވަރުގެ އިރުން އޮތް ބިމުގައެވެ. މިހައުސިންގ ޔުނިޓްތަކުގެ ބިންގާ އެޅުމަށާއި ޢަމަލީ މަސައްކަތް ފެށުމުގެ ގޮތުން އަންގާރަ ދުވަހުގެ ރޭ ވަނީ ޚާއްޞަ ރަސްމިއްޔާތެއް ބާއްވާފައެވެ.

އިލެކްޝަންސް ކޮމިޝަނުން އެވޯޑުކޮށްފައިވާ ޕްރޮކިޔުމަންޓާބެހޭ މައުލޫމާތު ވަނީ ގެޒެޓުގައި ޝާއިއުކޮށްފައެވެ. އެގޮތުން އެ ލިޔެކިޔުންތަކުން ފެންނަ ގޮތުން ޖުމްލަ 5،136،848.8 މިލިއަން ރުފިޔާ އެ މުއައްސަސާއިން ވަނީ 2026 މާރިޗު 25 ވަނަ ދުވަހު އެވޯޑުކޮށްފައެވެ. އޭގެތެރެއިން ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގައި ބޭނުންކުރާ ޓެންޓު ޖެހުމަށް ޝުޖާއުގެ ހިއްސާއޮންނަ ކުންފުނި އޮފިޝަލް އިވެންޓްސްއަށް ޖުމްލަ 4،994،848،80 މިލިއަން ރުފިޔާ ވަނީ އެވޯޑުކޮށްފައެވެ.

ގެދޮރުވެރިޔާ މަޝްރޫޢުގެ ދަށުން، 2013 ވަނަ އަހަރު ރައީސް ޑރ، މުޙައްމަދު ވަޙީދުގެ ސަރުކާރުގައި ހުޅުމާލެ ފޭސް 1ގައި އަޅަންފެށި މި 704 ފްލެޓްގެ މަސައްކަތް ނިންމައި މީހުން ދިރިއުޅުމަށް ދޫކޮށްފައި ވަނީ 2017 ވަނަ އަހަރުގައެވެ.

މިމަޝްރޫޢު ބީއެމްއެލްއިން ހަވާލުކޮށްފައި ވަނީ، ރާއްޖޭގެ ތަޖުރިބާކާރު ކުންފުންޏެއް ކަމަށްވާ ރަޝީދު ކާޕެންޓްރީ އެންޑް ކޮންސްޓްރަކްޝަން )އާރުސީސީ(އަށެވެ. ބީއެމްއެލްއިން ހާމަކޮށްފައިވާ ގޮތުގައި، މި ހައުސިންގ ޔުނިޓްތައް އިމާރާތްކުރުމުގެ މަސައްކަތް 2028 ވަނަ އަހަރުގެ މެދުތެރޭގައި ނިމޭނެއެވެ.

އެހެންކަމުން ލޯކަލް ޓޫރިޒަމްގައި އަންނަ މިކުރިއެރުމާއި މުވައްޒަފުންނަށް ހުރި ފައިދާތައް މިތަފާސް ހިސާބުތަކުން ފެނެއެވެ. މީގެ އިތުރުން މިކަންކަމަކީ މިދާއިރާއަށް ޒުވާނުން ނުކުތުމަށްވެސް ލިބޭ ވަރަށް ބޮޑު ހިއްވަރަކަށް ވެގެންދާނެ ކަމުގައި އުސްމާން ފާހަގަ ކުރެއްވިއެވެ.

ޓްރާންސްޕޯޓު މިނިސްޓްރީން ހާމަކޮށްފައިވާ ގޮތުގައި، ޓެކްސީ ޚިދުމަތް ދިނުމަށް ޖުމުލަ 150 ކާރު ބޭނުން ކުރުމަށް ނިންމާފައި ވާއިރު އޭގެ ތެރެއިން 60 ކާރު ވަނީ އިއްޔެ މާލެއަށް ގެނެސްފައެވެ. އަދި އަނެއް 90 ކާރު އަންނަ ހަފްތާ ތެރޭގައި ގެނެވޭނެ ކަމުގައިވެސް އެމިނިސްޓްރީން ވަނީ ހާމަކުރައްވާފައެވެ.

މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރ ވިދާޅުވީ، މިދިޔަ އަހަރުގެ މާރިޗު މަހާއި އަޅައިކިޔާއިރު މިއަހަރުގެ މާރިޗު މަހުގެ 19 ވަނަ ދުވަހާއި ހަމައަށް ރާއްޖެއަށް އައި ފަތުރުވެރިންގެ އަދަދު، %21 އިންސައްތަ ދަށަށް ގޮސްފައި ވާކަމަށެވެ.

ފިއުލްސަޕްލައި މޯލްޑިވްސްއަކީ އެސްޓީއޯގެ ސަބްސިޑިއަރީ ކުންފުންޏެކެވެ. ތެލުގެ އަގުތަކަށް ގެނައި ބަދަލާއި ގުޅިގެން އާއްމުން ކަންބޮޑުވުން ފާޅުކުރަން ފެށުމުން، ރޭ އެސްޓީއޯއިން ބުނެފައިވަނީ، އާންމު ދަތުރުފަތުރާއި ޕަބްލިކް ފެރީގެ ހިދުމަތް ދޭ ފަރާތްތަކަށް ކުރިން ވެސް ކަނޑައަޅާފައިވާ އަގުތަކުގައި ތެޔޮ ފޯރުކޮށްދިނުމުގެ އިންތިޒާމު ހަމަޖައްސާފައިވާ ކަމަށެވެ. އެހެން ނަމަވެސް އަތޮޅުތަކަށް ދަތުރުކުރާ ފެރީ ލޯންޗުތަކަށް އެފްއެސްއެމްއިން ތެޔޮ އަޅައިދެމުންދަނީ އިއްޔެ ބޮޑުކުރި އަގަށެވެ.

މާލެ އަތޮޅުގައި ފެރީގެ ޚިދުމަތްދޭ މައިދޫ ސްޕީޑުން ބުނީ، މިއަދުވެސް މާލެއިން އެފެރީއަށް ތެޔޮއަޅައިދީފައި ވަނީ، އިއްޔެ ބޮޑު ކުރި އަގުގައި ކަމަށެވެ. އިއްޔެ ފިއުލް ސަޕްލައިއިން ވަނީ ޕެޓްރޯލް ލީޓަރެއްގެ އަގު، 27 ރުފިޔާ 13 ލާރިއަށް ބޮޑުކޮށްފައެވެ. އަދި ޑީސަލް ލީޓަރެއް 28 ރުފިޔާ 32 ލާރިއަށް ވަނީ ބޮޑުކޮށްފައެވެ. އެހެން ނަމަވެސް ރޭ އެސްޓީއޯއިން ބުނީ، މިމަހުގެ 4 ވަނަ ދުވަހުފެށިގެން ތެޔޮ ވިއްކާ އަގަށް އާއްމުދަތުރުފަތުރާއި ފެރީގެ ޚިދުމަތްދޭ ފަރާތްތަކަށް އަދި މަސްވެރިންނަށް ތެޔޮ ވިއްކާނެ ކަމަށެވެ. އެއީ، ޕެޓްރޯލް ލީޓަރެއް ވިއްކާނީ، 16 ރުފިޔާ 01 ލާރިއަށް އަދި ޑީސަލް ލީޓަރެއް ވިއްކާނީ، 17 ރުފިޔާ 54 ލާރިއަށެވެ. އިއްޔެ ތެލުގެ އަގު ބޮޑު ކުރި ނަމަވެސް ޝެޑްތަކުން ތެޔޮ ވިއްކާއަގު ބޮޑެއް ނުކުރެއެވެ.

މިފްކޯއިން މިއަދު ކުރި އިޢުލާނުގައި ބުނެފައި ވަނީ، މިއަދު ފެށިގެން މިފްކޯއަށް މަސްކިރާ ހުރިހާ ފަރާތްތަކަށް ޑީސަލް ލީޓަރެއް ވިއްކާނީ، 27ރުފިޔާ 24 ލާރިއަށް ކަމަށެވެ. އަދި އާއްމު އެހެން ދޯނިތަކަށް ޑީސަލް ވިއްކާނީ ލީޓަރެއް 28 ރުފިޔާ 54 ލާރިއަށް ކަމުގައިވެސް މިފްކޯއިން ވަނީ ބުނެފައެވެ.

ފިއުލް ސަޕްލައި އިން މިއަދު ވަނީ އެކުންފުނިން އާއްމުކޮށް ތެޔޮގަންނަ ކުންފުނިޔަށް އީމެއިލްގެ ޒަރިއްޔާއިން އެކަން އަންގާފައެވެ. އެފްއެސްއެމްއިން ކުންފުނިތަކަށް ފޮނުވާފައިވާ އީމެއިލްގައި ބުނެފައި ވަނީ، އެކުންފުނިން މިއަދުން ފެށިގެން ތެޔޮ ވިއްކާނީ، ޑީސަލް ލީޓަރެއް 28 ރުފިޔާ 32 ލާރިއަށް ކަމަށާއި، އަދި ޕެޓްރޯލް ލީޓަރެއް ވިއްކާނީ، 27 ރުފިޔާ 13 ލާރިއަށް ކަމަށެވެ.

މިދިޔަ ބުރާސްފަތި ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ފިނޭންސް މިނިސްޓަރ މޫސާ ޒަމީރު ވިދާޅުވީ، ތެލާއި ގޭހަށް ނުޖެހޭނެ ކަމަށާއި ރާއްޖެއަށް ބޭނުންވާ މިންވަރަށް ތެލާ ގޭސް ސްޓޮކްގައި ހުރި ކަމަށެވެ. އަދި އިތުރު ޝިޕްމަންޓްތައްވެސް ރާއްޖެ ގެނައުމުގެ މަސައްކަތް ކުރަމުން އަންނަ ކަމުގައި އެދުވަހު ފިނޭންސް މިނިސްޓަރ ވިދާޅުވިއެވެ.