ވާހަކަ

ތިއޭޓަރުގެ ދޮރު ހުޅުވުމާއި އެކު ޒަމީރުގެ ހިތްތެޅިގަތެވެ. ހެވިފައި ހުރި ޑޮކްޓަރާއި އޭނާގެ ތަރުޖަމާނު ޒަމީރަށާއި މަންމައަށް ދިނީ އުފާވެރިހަބަރެކެވެ. އޮޕަރޭޝަންކާމިޔާބުވި ޚަބަރެވެ. ޒަމީރު ﷲއަށް ހަމްދު ކުރިއެވެ. މަންމަގެ ގައިގައި ބައްދައިގެންފައި އުފަލުން ރޮއެގަތެވެ. އޭނާގެ އެންމެ ބޮޑު ކަންބޮޑުވުން ފިލީއެވެ. ހިތާމައިގެ ރޭތަކަށް ނިމުން އައީ އެވެ.

ބަލިމީހާ އޮތް އެނދާއި ކައިރިވެފައި ބަލިމީހާ ފެނުމުން ޑރ ނިހާމާއަށް ހަޅޭލަވައި ނުގަނެވުނީ ކިރިޔާއެވެ. އެއީ އަފީފެވެ. ޑރ ނިހާމާ އާއި އޭނާގެ ކޮއްކޮ އާއި ބެހުނު މީހާއެވެ. އެމީހެއްގެ ކުރިމަށްޗަށް އެރުމަށް ޑރ ނިހާމާ އެންމެ ބިރުގަންނަ މީހާއެވެ. ދުއްވައިގެންފާނަމޭވެސް އޭނާގެ ހިތަށް އެރިއެވެ. އެކަމަކު ދެވަނަ ސިކުންތުގައި އޭނާ ހަށިގަނޑަށް ހިއްވަރު ގެނައެވެ. ނިއްކުރިމަތިން ދާފުހެލިއެވެ.

އަހަރެން އެމައްސަލަ ދޫކޮށްލައި ދައުލަތުގެ ވަކީލެއްގެ ހައިސިއްޔަތުން އެކުއްޖާއާއި ދެކޮޅަށް ވަކާލާތުކުރަން ދެކޮޅު ހެދީމެވެ. ހައްޤުނޫން ގޮތުގައި އޭނާއަށް ލިބޭ އަދަބުގައި އަހަރެންގެ ބައިވެރިވުމެއް ނުދޭން ވެގެންނެވެ. ހަމައެކަނި އަހަރެން މައްސަލަ ދޫކޮށްލީކީ ނޫނެވެ. ސަރުކާރުގެ ވަޒީފާވެސް ދޫކޮށްލީއެވެ. ކިޔެވުމަށް ދިޔަ ޚަރަދު އޮފީހަށް އަނބުރާދިނުމަށް އެއްބަސްވެ އިޤުރާރުވުމަށް ފަހުގައެވެ. އެހެނީ މައުސޫމު ކުށެއްނެތް ކުއްޖެއްގެ ހަޔާތް ބަރުބާދުވެ ދިޔައިރު އެކަމުގައި އަހަރެންނަށްވެސް އެހީތެރިކަމެއް ދެވެން ނެތަތީއެވެ.

އަސްމާ ގެނބުނު ޚަބަރު ރާޒީއަށް ލިބުނީ އަސްމާގެ އާއިލާގެ އެހެން ފިރިހެނުންނާއި އެކު މަސްހިފަން ފަޅުތެރޭގައި އުޅެނިކޮށެވެ. ރާޒީ އާއި އަސްމާގެ ބޭބެމެންނަށް އާދެވުނު އިރު، އަސްމާ އޮތީ ވިލުގެ އަޑީގައެވެ. ވިލަށް ފުންމާލައި އަސްމާ ނެގީވެސް ރާޒީއެވެ. އެއްގަމަށް އަރުވައި ސީޕީއާރްދީ ހެދީވެސް ރާޒީއެވެ. އެކަމަކު ވިންދު ހުސްވަމުން ހުސްވަމުން ދިޔަ އަސްމާ ލޯހުޅުވައެއް ނުލިއެވެ. ރާޒީގެ އަތުން އަސްމާ ބީވީއެވެ.

އޭނާ ފުލުހަށް ހާޟިރުކޮށް ބަޔާން ނެގިއެވެ. ޝަރީއަތުގައި ޝާއިރާ އެއްވެސް ވާހަކައެއް ނުދެއްކިއަސް ތުއްތު ކުއްޖަކު އޭނާގެ އުނގުގައި އޮތަތީ ޒިނޭގެ އަދަބު ލިބުނެވެ. ކޯހުން މަތީ ދަރަޖައިގައި ފާސްވިޔަސް ނަހަލާލު ދަރިޔަކު އޮތަތީ ސަރުކާރުގެ ވަޒީފާއެއް ނުލިބުނެވެ. ސަރުކާރުން ޕޮކެޓްމަނީގެ ގޮތުގައި ކޯސްހެދިއިރު އޭނާއަށްދިން ފައިސާ އަނބުރާ ސަރުކާރަށް ދައްކަންޖެހުނެވެ.

ޝާފީ އަބަދުވެސް ބޮލެއްގައި ރިއްސާތީ އުޅޭނެއެވެ. ބައެއް ދުވަސްދުވަހަށް ލޯމަތި ކުޑަކޮށް ދުޅަވާގޮތް ވެފައިވެސް ހުންނާނެއެވެ. އެކަމަކުވެސް އޭނާ އެއިން ކަމަކާއި އަޅާނުލައި ހަމަ ހިއްވަރަށް އުޅެނީއެވެ. ބައެއް ދުވަސްދުވަހު ޑޮކްޓަރަށް ދައްކަންދާން އަހަރެން ލަފާވެސް ދެމެވެ. އެކަމަކު އެއީ ދޭތެރެއަކުން އުނދަގޫކޮށްލާފައި ރަނގަޅުވާކަމަކަށްވާތީ އޭނާވެސް އަޅާނުލައި ހުރީއެވެ.

އަހަރެމެންގެ ދިރިއުޅުމަށް ވަންނަން އޭނާ ނާންނާނެކަން އެނގޭނީ އަހަރެންނަށެވެ. މީހެއްގެ އަނތްބަކަށް އަހަރެން ވުމަށްފަހު އަހަރެންދެކެ ކިތަންމެ ލޯބިވިޔަސް އަހަރެންނާއި ދިމާއަށް ބަލައިވެސް ނުލުމަށް އޭނާ އޮތީ ވައުދުވެފައެވެ. އެވައުދު އޭނާ ފުއްދާނެއެވެ. އެކަން އަހަރެންނަށް މެންދުރުގެ އިރު ފަދައިން ޔަޤީނެވެ.

ކޮނޑަށް ގޯންޏެއް ލައިގެން އައި މުސްކުޅި ކާފަ ރާޒީފެނުމާއި އެކު ހުއްޓީ ބިންމަތީގައި ގޯނި ބަހައްޓާފައި ގާތަށް އައުމަށް އަތުން ހަނައަޅާލިއެވެ. ކާފަހުރީ ތެމިފައެވެ. އެއީ ގޮނޑުދޮށުން މޫދަށް އެރިގެންކަން އެނގެއެވެ. ރާޒީ ކާފަގާތުގައި ގޮސްހުއްޓުމުން ހިނިތުންވެލާފައި ކާފަ ގޯނީގެ ތުން ހުޅުވައި ރާޒީއަށް ދައްކާލިއެވެ. އަސްތާ! މާވަހަރެކެވެ. ހުދަންބަރު މާވަހަރެކެވެ. ކާފަ އެއައީ މާވަހަރެއް ހޮވައިގެންނެވެ.

އެއީ އަހަރެންނަށް ލިބުނު ބަޔާން ނުކުރެވޭ ވަރުގެ އުފަލެވެ. ހިތްހަމަ ޖެހުމެކެވެ. އޭނާ އަހަރެންނާއި ވަކިވީ، ދިވެހި ސަރުކާރަށް އަހަރެންގެ މައުލޫމާތު ފޯރުކޮށްދޭނެ ކަމަށް ވައުދުވެފައެވެ. އަދި ބައިނަލް އަޤުވާމީ މީޑިޔާތަކަށާއި ރާއްޖޭގެ މީޑިޔާތަކަށް އަހަރެން ދިރި ދުނިޔޭގައި އެބަހުރި ކަމުގެ ޚަބަރު ފޯރުކޮށްދޭނެ ކަމުގެ ޔަޤީންކަން ދީފައެވެ. އެކަމަކު އަނެއްކާވެސް އެހުރިހާ އުންމީދެއް ފެނަށްވީއެވެ.

ޒީޝާންގެ ކޮނޑުމަތީގައި އޮތް ދަރިފުޅު ނެގީ ޝަފީޤުގެ އާއިލާގެ މީހެކެވެ. ޝަފީޤާއި ދަރިފުޅު ގޮވައިގެން އެމީހުން ގޮސް ގޯޅި އަޅަންދެން ޒީޝާން ސަހަރާގެ ފާރުބުރިމަތީގައި އިށީނދެ އިނެވެ. އެމީހުން ދިޔުމުން ޑރ ފަރުހާނުގެ މޭގައި ބޯއަޅައިގެން އޮވެ އޭނާފެށީ ރޯށެވެ. އެތައް އިރަކު ރުއިމަށްފަހު ދެލޯ ފުހެލާފައި ޒީޝާން ތެދުވިއެވެ. އަދި ޑރ ފަރުހާނާއި އެކު ގެއަށް ދިއުމަށް ކާރަށް އެރިއެވެ.

ޑޮކްޓަރުންނަށް އިބްރާހީމް ވިސްނަނީ ކޮންކަމަކާއި މެދުގައިކަން ނޭނގުނަސް އޭނާ ވިސްނާކަން އެނގެއެވެ. އެހެންކަމުން މާބޮޑަށް ފިކުރު ބޮޑު ނުކުރުމަށް ބުނެއެވެ. އެކަމަކު އިބްރާހީމްއަށް ދިމާވެފައިވާ ގޮތް އެމީހުންނަށް ހާމަވާނެނަމަ އިންސާނަކަށް ވިސްނައި ފިކުރު ނުކޮށް ނުހުރެވޭނެކަން އެމީހުންނަށްވެސް ޤަބޫލު ކުރެވުނީހެވެ.

އިބްރާހިމް ގެއިން ނުކުތެވެ. ނިޔާޒްގެ ހާލެއް ނުބަލައި އޭނާއަކަށް ނުހުރެވޭނެއެވެ. އެއީ އޭނާގެ ހަމައެކަނި މިދުނިޔޭގެ ރަހުމަތްތެރިއެއް ނޫނެވެ. ދެދުނިޔޭގެވެސް ރަހުމަތްތެރިއަކަށްވުން އެދޭ މީހެކެވެ. ނިޔާޒް އޭނާއަށްވެދިން އެހީތެރިކަމާއި ކޮށްދިންހާ ހެޔޮކަމުގައި ބަދަލުގެ އަގަކީ އޭނާއަށް އަދާކުރެވޭނެ އެއްޗެއް ނޫނެވެ.

އޭނާވެސް ދެލޯ ހުޅުވާލީ އިރުގަނޑެއް ފަހުންނެވެ. ރޭޑިއޯ ސެޓުން ޕައިލެޓް ހަމްދުއެޅި އަޑު އިވުމުންނެވެ. އޭރު ބޯޓު އޮތީ ރަންވޭގެ ނިމޭކޮޅުގައި މަޑުވެފައެވެ. ފަޔާލޮރީތަކުން ފެންޖަހަމުން ގެންދެއެވެ. އެއްވެސް މީހަކަށް އަދި ބޯޓަށްވެސް މާބޮޑު ގެއްލުމެއް ނުވެ ސަލާމަތްވީއެވެ.

އޭނާ ކިޔައިދިނީ އެހިތި މާޒީއެވެ. ޒަރީނާއަކީ ޅަދުވަހުގެ ލޯބިވެރިން ކަމުގައެވެ. އެލޯބީގެ ދީވާނާކަމުގައި އެމީހުންނަށް ގޯހެން ހެދުނީއެވެ. އޭނާ ކޯހެއްގައި ފުރައިގެން ދާންޖެހުނު އިރު ޒަރީނާ ބަލިވެ އިންކަމެއް ނޭނގެއެވެ. އަހަރު ދުވަސްފަހުން އޭނާ އެނބުރި އައިރު، ހޮސްޕިޓަލަށް ނުގެންގޮސް ގޭގައި ވިއްސުމުން ލިބުނު އަނިޔާގައި ޒަރީނާ އޮތީ ޕެރަލައިޒްވެފައެވެ. ވިހޭކުއްޖާ ޒަރީނާއަށްވެސް ނުދައްކައި ގޮނޑަށް އެއްލާލީ ކުއްޖާގެ މާމައެވެ. ދުނިޔޭގެ ލަދުން ސަލާމަތްވާށެވެ.

"އޭ ކައުނުގެ ވެރި އިލާހެވެ. އަޅުގެ ކުށެއް ނުވާކަމުގެ މައްޗަށް ހެކިވެ ވޮޑިގަންނަވާށިއެވެ" އެހެނީ ފަޒީނާ މަރުވުމަށްފަހު ދެން ހަޤީޤަތް ހާމަކޮށް އޭނާ ބަދުނާމު ކުރާކަށް ޝަބީނެއް ނޭދެއެވެ. ހިތާމައެއް ފިޔަވައި ލިބޭނެ އިތުރު އެއްޗެއް ނެތުމާއިވެސް އެކުގައެވެ.

"ކީއްކުރަން މިއަދު ޑޮކްޓަރަށް ދައްކަން ދިޔައީ، މަށަށް އަންގާވެސް ނުލާ" ޝަކުވާގެ ރާގަކަށް ޝަބީން ބުންޏެވެ. ފަޒީނާއަށް އަނެއްކާވެސް ތެޅިގަނެވުނެވެ. ޝަބީންއަށް އެނގުނީ ކިހިނެއްބާވައެވެ. ފަޒީނާ އައީ އެވާހަކަތައް ޝަބީންއަށް ނޭންގުމަށް ޑޮކްޓަރުގާތުގައި އެދިފައެވެ. ރަނގަޅުވަގުތެއްގައި ޝަބީނަށް ހަޤީޤަތް ހާމަކޮށް ދޭނެކަމަށް ވަޢުދުވެފައެވެ.

ޝަފީޤު މަރުވިތާ މަހެއްހާ ދުވަސްވީއިރު އޭނާގެ ހަށިގަނޑު ފަރުގެ އުރަފަށުގައި އޮވެ ފަނާވެ ދިޔައިރު އެކަން އެއްވެސް މީހަކަށް ނޭނގުނެވެ. އޭނާގެ ދަރީންނަށްވެސް މެއެވެ. އެކަމަކު ކޮންމެވެސް ދުވަހަކުން އޭނާއަށް ވީ ކިހިނެއްތޯ ކޮންމެވެސް ބަޔަކު ސުވާލު ކުރާނެއެވެ. ހޯދާނެއެވެ. އެކަމަކު އެއިން އެކަކަށްވެސް ކަށަވަރުކޮށް އެއްޗެއް ބުނަން ނޭނގޭނެކަން ޔަޤީނެވެ.

މައްސަލަ ގަނޑުގެ ހުޅުފެޅީ ގޭތެރޭގައި ކުދިންގެ މައްސަލައެއްގައި ބޮޑުބޭބެގެ އަންހެނުންނަށް އެގެއިން ނުކުތުމަށް ޒަރީނާ އެންގި ހިސާބުންނެވެ. ބޮޑުބޭބެ ޒަރީނާއާއި ޝަފީޤު ދެވީވެސް އެގޯތީގެ ދަހިވެތިކަމުގައިކަން ޝަފީޤަށް އެނގުނީވެސް އެދުވަހުއެވެ. ޒަރީނާ އެވާހަކަތައް ކިޔައި ދިނުމުންނެވެ. އެދުވަހަށްފަހުގައި ބޮޑުބޭބެގެ އަންހެނުން އައީ ޝަފީޤަށް ބޮނޑިއެއް ދެވޭނޭ ހުރިހާ މަގެއް ހޯދަމުންނެވެ. ޒަރީނާއާއި ޝަފީޤު ވަކިކޮށްލެވޭނޭ ގޮތެއް ހޯދަމުންނެވެ. ފަންޑިތަ ހަދާމީހުން ލައްވައި އިސްތިރި ވަރިތޮޅިވެސް ހައްދަމުންނެވެ. އެކަމަކު އެއިން ކަމަކުން ވީ ފައިދާއެއް ނެތެވެ.

ދުވަސްވެ ރޫޖެހިފައިވާ މޫނާއި ވަޅުވަދެފައިވާ ދެލޮލާއި، ދަތިދަތިކޮށް ލަމުންދާ ނޭވާތަކުން ބުނެދެނީ ވަކިވުމުގެ ވަގުތު ގާތްވަމުން އަންނަނީ ކަމަށެވެ. އިހު ލޯބިން އުޅުނު ޒުވާން އުމުރު ފަހަތަށް އޮބައި ހިނގައްޖެ ކަމަށެވެ. ބީފާނާއި ރަޙްމާނު އެކުގައި ޙަޔާތްވޭތު ކުރާތާ ފަސްދޮޅަހަކަށް އަހަރުވެއްޖެއެވެ. ބުރަ މަސައްކަތާއި ދަތި ދިރިއުޅުމެއްގައި ދެމީހުންވެސް މާ އަވަހަށް މުސްކުޅި ވެއްޖެއެވެ.

ރީނާ އާއި ނަސީމް އަކީ، ސުނާމީ ކާރިސާ އަށްފަހު ގަމަށް ދިރިއުޅުން ބަދަލުކުރި ދެމީހުންނެވެ. ރީނާއަކީ ނަރުހެކެވެ. ނަސީމް އަކީ ޓީޗަރެކެވެ. އެދެމީހުން ގަމުގައި ދިރިއުޅެމުން ދިޔައީ ސުނާމީއާއި ގުޅިގެން އިމާރާތްކޮށް އެރަށަށް ހިޖުރަކުރި މީހުންނަށް ސަރުކާރުން ދޫކުރި ގެތަކުން ގެއެއްގައެވެ. ދަރިއަކު ނެތުމާއި އެކުވެސް އޭރު އެދެމަފިރިން ވޭތުކުރަމުން ދިޔައީވެސް ހަނީ މޫންފަދަ އުފާވެރި ދުވަސްތަކެކެވެ.