ރާއްޖެ

ދިވެހި ހައްޖުވެރިން ރާއްޖެ އަންނާނީ މަދީނާ އެއާޕޯޓުން ފުރައިގެންނެވެ. ހައްޖުވެރިންގެ ފުރަތަމަ ގުރޫޕް މިހާރުވަނީ މަދީނާއިން ރާއްޖެއަށް ފުރާފައި ކަމުގައި، މޯލްޑިވްސް ހައްޖު މިޝަން އިން ވަނީ ހާމަކުރައްވާފައެވެ.

ޗެއާޕަރސަން އިންތިޚާބުގައި، ވާދަކުރުމަށް ނިންމި ނިންމުން އަނބުރާ ގެނެސް އޭނާ، ކެންޑިޑޭޓް ނަމްބަރ 3 މީކާއީލް އަހްމަދު ނަސީމަށް އޭނާ ތާއީދުކުރަން ނިންމީ، ޒުވާނުންނަށް ޕާޓީގެ ކުރީސަފަށް ނުކުތުމަށްޓަކައި މީކާއީލްއަށް ފުުރުޞަތުދީ އެއްބާރުލުން ދިނުމުގެ ގޮތުން ކަމުގައި އޭނާ ވަނީ ބުނެފައެވެ.

މާލޭގައި ހުންނަ އެމް.އެން.ޔޫގެ މައި ކެމްޕަހުގައި ބޭއްވި ރަސްމިއްޔާތެއްގައި މި ފެސްޓިވަލް އިފްތިތާހުކޮށްދެއްވީ ޔުނިވަރސިޓީގެ ޗާންސަލަރ ޑރ. މަހްމޫދު ޝައުގީއެވެ. މި ފެސްޓިވަލް ކުރިއަށްދާނީ ޖޫން މަހުގެ 3 އިން 5 އަށް، ކޮންމެ ދުވަހަކު ހަވީރު 4:00 އިން ރޭގަނޑު 10:00 އަށެވެ.

އެހާދިސާ އާއި ގުޅޭ ގޮތުން މައުލޫމާތު ހޯދުމަށް އެދިފައި ވަނީ މިދުއަމް ސަޢުދުއެވެ. އެހާދިސާ އާއި ގުޅޭ ގޮތުން މިދުއަމް ސުވާލުކޮށްފައި ވަނީ އެފަދަ އޮޕަރޭޝަނަކަށް ތައްޔާރުވެފައި ތިބި މިންވަރާއި ވަސީލަތްތައް ހުރި މިންވަރާއި، ސަލާމަތީގޮތުން އަޅާފައިވާ ފިޔަވަޅުތަކާއި ގުޅޭ ގޮތުންނެވެ.

ފްލެޓް އެގްރިމެންޓްތަކުގައިވާ ގޮތުން، ސޯޝަލް ހައުސިންގ ސްކީމްތަކުގެ ތެރެއިން ފްލެޓް ލިބޭ ފަރާތްތަކުން އެފްލެޓް އެހެން ފަރާތްތަކަށް ކުއްޔަށް ދިނުމަކީ މަނާކަމެކެވެ. އަދި ފްލެޓްގައި ދިރިއުޅެން ޖެހޭނީ ފްލެޓް ލިބިފައިވާ ފަރާތުންނެވެ.

ރައީސް ޞާލީޙް އައްޑޫ ސިޓީއަށް ވަޑައިގެންނެވުމުން އެމަނިކުފާނަށް އެއާޕޯޓުން މަރުޙަބާ ވިދާޅުވީ، އައްޑޫ ސިޓީ ހިތަދޫ އުތުރު ދާއިރާގެ ބައި-އިލެކްޝަންގައި ވާދަ ކުރައްވާ، އެމްޑީޕީގެ ކެންޑިޑޭޓް، ޢަބްދުﷲ ޞާދިޤު )ސޯބެ( އާއި އައްޑޫ ސިޓީގެ މޭޔަރު ނިޒާރާއި އެސިޓީގެ އެމްޑީޕީގެ މެމްބަރުންނާއި އާއްމު ރައްޔިތުންނެވެ.

ސިޔާސީ ޕާޓީތަކުގެ ދަފްތަރުން އުނިކުރުމަށް ނިންމާފައިވާ ކަމުގައި އިލެކްޝަންސް ކޮމިޝަނުން މިއަދު ވަނީ ހާމަކުރައްވާފައެވެ.

ޖޭއެސްސީގެ ނައިބު ރައީސް ކަމުގެ މަޤާމު ހުސްވީ އެމަޤާމުގައި ކުރިން ހުންނެވި، ޔަޒްމީދު މުހައްމަދު، ކޮމިޝަންގެ ނައިބު ރައީސް ކަމުގެ މަޤާމުންނާއި، މެމްބަރު ކަމުގެ މަޤާމުން އިސްތިއުފާ ދެއްވުމާއި ގުޅިގެންނެވެ. ޔަޒްމީދަކީ އެކޮމިޝަނަށް ރައީސުލްޖުމްހޫރިއްޔާގެ މެމްބަރުގެ ގޮތުގައި ޢައްޔަނުކުރެއްވި މެމްބަރެކެވެ.

މިއީ އެއްމަސް ދުވަހުގެ ތެރޭގައި ކުރީގެ ރައީސް އިބްރާހީމް މުޙައްމަދު ޞާލިޙް އައްޑޫ ސިޓީއަށް ވަޑައިގަންނަވާ ދެ ވަނަ ފަހަރެވެ. ހޮނިހިރު ދުވަހު ބާއްވާ އައްޑޫ ސިޓީ ހިތަދޫ އުތުރު ދާއިރާގެ ބައި-އިލެކްޝަންގައި ވާދަ ކުރައްވާ، އެމްޑީޕީގެ ކެންޑިޑޭޓް، ޢަބްދުﷲ ޞާދިޤު )ސޯބެ(ގެ ކެމްޕޭނުގައި ބައިވެރިވެވަޑައިގެންނެވުމަށް ހުސްވި މޭމަހުވެސް ރައީސް ޞާލިޙް އައްޑޫއަށް ވަޑައިގެންނެވިއެވެ.

ރައީސް ނަޝީދުގެ ކެމްޕެއިން ޓީމުން ހާމަކޮށްފައިވާ ގޮތުގައި މިބައްދަލުވުން އޮންނާނީ، މިއަންނަ ހުކުރު ދުވަހުގެ ރޭ، 8:45 ގައި ހުޅުމާލެ ފޭސް 1ގެ ފަތާޓްރެކް ކައިރީގައި އޮންނަ ދެވަނަ ރުއްގަނޑުގައެވެ.

ރާއްޖެއިން އެންމެ ގިނަ މީހުން، ބޭސްފަރުވާއަށް ދާ ޤައުމަކީ އިންޑިއާއެވެ. އަދި ރާއްޖެއިން އާސަންދަ ސްކީމުގެ ތެރެއިން އެންމެ ގިނަ ފައިސާ ޚަރަދުކުރަމުން އަންނަނީވެސް އިންޑިއާގެ ހޮސްޕިޓަލްތަކަށެވެ.

ރައީސް ނަޝީދު މިމޭރުމުން ވާހަކަފުޅު ދައްކަވާފައި ވަނީ، އެމަނިކުފާނާއި ވާދަކުރައްވާ މީކާއީލް ނަސީމްގެ ކެމްޕޭން ޓީމުން، ޗެއާޕަރސަންއަކަށް ހުރެ ރިޔާސީ ޓިކެޓަށް މީހަކު ވާދަކުރާނަމަ އެއީ އިންސާފުވެރި ގޮތަކަށް ނުވާނެ ކަމުގެ ވާހަކަތައް ދައްކަމުން ދަނިކޮށެވެ.

އައިޖީއެމްއެޗްއިން ހާމަކުރައްވާފައިވާ ގޮތުގައި، މިކޭމްޕްގައި ބައިވެރިވާ ޑޮކްޓަރުންނަށް ދެއްކެވުމަށް 1555އަށް ގުޅުއްވައިގެން އެޕޮއިންޓްމެންޓް ހެދުމަށް މިހާރު ވަނީ ފުރުޞަތު ހުޅުވާލާފައެވެ.

ހައްޖު ކޯޕަރޭޝަނުން މިރޭ ވަނީ، ހައްޖުވެރިން ރާއްޖެއަށް ފުރުމަށް ހަމަޖެހިފައިވާ ގޮތުގެ އައު ތާވަލުހާމަކޮށްފައެވެ. ހަތަރު ފްލައިޓެއްގައި ހައްޖުވެރިން ރާއްޖެއަންނައިރު އޭގެ ތެރެއިން ދެ ފްލައިޓަކީ ސައުދިއާގެ ފްލައިޓްތަކެވެ. މިގޮތުން ރާއްޖެއަށް އަންނަ ފުރަތަމަ ގުރޫޕުގެ މީހުންނާއި 3 ވަނަ ގުރޫޕްގެ މީހުން ދަތުރުކުރާނީ ސައުދިއާގެ ފްލައިޓްގައެވެ. ހައްޖުވެރިން މާލެއަށް ފުރާނީ މަދީނާ އެއާޕޯޓުންނެވެ.

އެ މެމޯގައިވާ ގޮތުން އެފުރުޞަތު ހުޅުވާލާފައި ވަނީ، މި ޖޫންމަހުގެ 14 ވަނަ ދުވަހުގެ މެންދުރުފަހު 15:00ގެ ނިޔަލަށެވެ. އޭގެ އިތުރުން ވަޒީފާއިން ރިޓަޔާކުރަން ބޭނުންވާ މުވައްޒަފުންނަށްވެސް އާރލީ ރިޓަޔަރމަންޓް ޕްރޮގްރާމްގެ ދަށުން ވަޒީފާއިން ރިޓަޔާވުމުގެ ފުރުޞަތުވެސް ވަނީ ހުޅުވާލާފައެވެ.

އަވަށްޓެރި ޤައުމުތަކުގައި ވަރަށް ބޮޑަށް މިބަލި ފެތުރެމުން އަންނައިރު، ރާއްޖެއިންވެސް މިހާރު އަންނަނީ މިބަލި ޖެހޭ މީހުންގެ އަދަދު އިތުރުވަމުންނެވެ. އެޗްޕީއޭއިން ހާމަކޮށްފައިވާ ގޮތުގައި މިދިޔަ ހަފްތާގައިވެސް ރާއްޖެއިން ވަނީ، މިބަލި ޖެހުނު 2 މީހަކު ފެނިފައެވެ. މިއާއެކު މިއަހަރުގެ މިހާތަނަށް ރާއްޖެއިން މިބަލި ޖެހުނު މީހުންގެ އަަދަދު މިވަނީ 11 އަށް މަތިވެފައެވެ. އެންމެ ގިނަ މީހުންނަށް މިބަލި ޖެހިފައި ވަނީ މިނިމުނު މެއިމަހުގެ ތެރޭގައެވެ.

އާއިލީ ބައްދަލުވުމަކަށް، ޖަލަށް ޒިޔާރަތްކުރި ފަރާތަކުން ވަނީ، އެކަމުގެ ކަންބޮޑުވުން ސޯޝަލް މީޑިއާގައި ފާޅުކޮށްފައެވެ. އާއިލީ ބައްދަލުވުންތަކަށް ޖަލަށް ޒިޔާރަތް ކުރާ ފަރާތްތަކަށް، ކާބޯތަކެތި ނުވެއްދޭ އިރު އެފަދަ ތަކެތި ގަންނަން ޖެހެނީ އެ ފިހާރައިންނެވެ. އެހެން ނަމަވެސް ކަންބޮޑުވުން ފާޅުކުރި ފަރާތުން ވަނީ، ފެންފުޅިއެއް ފިޔަވައި އެހެން އެއްވެސް އެއްޗެއް ނެތްކަމުގެ ކަންބޮޑުވުން ފާޅުކޮށްފައެވެ. އަދި އެފިހާރައިގެ ހުސްރެކްތައް ފެންނަ ވީޑިއޯއެއްވެސް ސޯޝަލް މީޑިއާގައި ވަނީ ހިއްސާކޮށްފައެވެ.

ޒައިދާން ނިޔާވި ހާދިސާ އަކީ، އެ ހާދިސާ ހިނގިތާއި ގުޅިގެން، އެމްއެންޑީއެފްގެ އިޙްމާލުވުން އޮތް ކަމަށް ތުހުމަތު ކުރެވިފައިވާ ހާދިސާއެކެވެ. އެހެން ނަމަވެސް އެހާދިސާ އާއި ގުޅިގެން މީޑިއާތަކުން ކުރި ސުވާލުތަކަށް އެމްއެންޑީއެފުން އެއްވެސް ޖަވާބެއް ދީފައެއް ނުވެއެވެ. މީގެ އިތުރުން އެހާދިސާ އާއި ގުޅިގެން އެމްއެންޑީއެފްގެ އެތެރޭގެ ތަޙްޤީޤެެއް ހިންގި ކަމަށް ބުނިނަމަވެސް އެކަމާއި ގުޅޭ އެއްވެސް މައުލޫމާތެއްވެސް ހާމަކޮށްފައެއް ނުވެއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި، މިގެނެވުނު ބަދަލުތަކަކީ، ދިވެހި ފުލުހުންގެ ޚިދުމަތުގެ އިދާރީ ހިންގުން މިހާރަށްވުރެ ހަރުދަނާކޮށް، މަސައްކަތުގެ ފެންވަރު މަތިކުރުމަށްޓަކައި ގެނެސްފައިވާ ބަދަލެކެވެ. މިގޮތުން މި ބަދަލު ތަކަކީ ފުލުހުންގެ ހިދުމަތް ދިނުމުގައި މިހާރަށްވުރެ ފުރިހަމަ ނަތީޖާއެއް ހާސިލުކޮށް، މަސައްކަތުގެ ފެންވަރު މަތި ކުރުމުގެ މަގުސަދުގައި ގެނެވުނު ބަދަލު ތަކެއް ކަމުގައިވެސް އެއިދާރާއިން ހާމަކުރައްވާފައިވެއެވެ.

މުލީ ފެނަކަ ބުރާންޗުން ރައްޔިތުންނަށް ފޮނުވާފައިވާ މެސެޖުގައި ބުނެފައި ވަނީ، މިރޭ ކޮންމެ ޒޯނަކަށް 30 މިނިޓަށް ކަރަންޓްދޭން ޖެހުނީ، އެ އިންޖީނު ގޭގައި ބޭނުން ކުރާ އެންމެ ބޮޑު ޖަނަރޭޓަރަށް މައްސަލަ ދިމާވެގެން ކަމަށެވެ. މިގޮތުން އެޖަނަރޭޓަރު ސްޓާޓް ނުވެގެން އުޅޭ ކަމަށް މެންދުރު ފެނަކަ މުލީ ބުރާންޗުން ވަނީ ބުނެފައެެވެ.