ރާއްޖެ

އޭނާ ގެއްލިފައި ވަނީ މިމަހުގެ 4 ވަނަ ދުވަހުން ފެށިގެން ކަމުގައި، ރޭ 12:19 އެހައިކަންހާއިރު އާއިލާއިން ފުލުހުންނަށް ވަނީ ރިޕޯޓް ކޮށްފައިވާ ކަމުގައި ފުލުހުންގެ އިދާރާއިން ވިދާޅުވެފައި ވެއެވެ. ފުލުހުންގެ އިދާރާއިން ވިދާޅުވީ، މި މައްސަލަ ރިޕޯޓްކުރުމާ ގުޅިގެން، ފުލުހުންގެ ކަމާގުޅުންހުރި ހުރިހާ ބަހާތަކަށް އެ މައުލޫމާތު ހިއްސާކޮށް އޭނާ ހޯދުމުގެ މަސައްކަތް ކުރަމުންދާއިރު، މިހާތަނަށް ކުރެވުނު މަސައްކަތުން އަދި ނޫރާ ފެނިފައި ނުވާކަމަށެވެ.

ހުރަވީ ކޮލަމްބޯއަށް ބަނދަރުކޮށްފައި ވަނީ، އިންޑިއާގެ ވިޝާކަޕަޓްނަމްގައި ފެބުރުއަރީ މަހުގެ މަހުގެ 15އިން 25އަށް ކުރިޔަށް ގެންދިޔަ، ބައިނަލްއަގުވާމީ ފްލީޓް ރިވިއުގައި ބައިވެރިވުމަށްފަހު އެނބުރި ރާއްޖެއަށް އައުމުގެ މަގުމަތީގައި އެއުޅަނދުގެ ބައެއް މަރާމާތުތައް ކުރުމަށެވެ. ހުރަވީ އާއިއެކު އިންޑިއާގައި ކުރިޔަށް ދިޔަ މި ފްލީޓް ރިވިއުގައި ބައިވެރިވި އީރާނުގެ މަނަވަރު އައިރިސް ޑެނާއަށް އެމެރިކާގެ ސަބްމެރީނަކުން ދިން ޓޯޕިޑޯ ހަމަލާއެއްގައި މިއަދު އެމަނަވަރު ވަނީ ކޮލަމްބޯގެ ދެކުނުން ރާއްޖޭގެ އިރުމަތިން އިންޑިއާކަނޑަށް ފައްތާލާފައެވެ.

މިގޮތުން ސަޢޫދީ އެފްޑީއޭއިން އޮންނަ އުސޫލާއި އެއްގޮތަށް ފެކްޓްރީ ޕެކިންގައި ހުންނަ ކާބޯތަކެއްޗާއި، އަދި ގޭގައި އުފައްދާ ކާބޯތަކެތީގެ ތެރެއިން ޢަރަބިބަހާއި އިނގިރޭސި ބަހުން ލޭބަލްކޮށްފައި ހުންނަ ކާބޯތަކެތިވެސް ބައެއް ފަހަރު ހިފަހައްޓައި އަދި ބައެއް ފަހަރު ދޫކޮށްލައެވެ.

އެގޮތުން، އެހެން ޑިޕާޓުމެންޓްތަކަށް މުވައްޒަފުން ބަދަލުކުރުމާއި، 3 މަސްދުވަސްވަންދެން ޑިއުޓީ ބަދަލުކުރުން މަނާކުރުމުގެ އިތުރުން، ބްރޭކް ގަޑިއަކީ ރަސްމީގަޑީގެ އެންމެ ފަހު ގަޑިކަމަށް ހެދުމުގެ ފުރުސަތު 3 މަސްދުވަސް ވަންދެން ނުލިބޭނެ ވާހަކަ މެމޯގައި ބަޔާންކޮށްފައިވެއެވެ. މީގެ އިތުރުން، ބޭނުންވާ ދުވަސްތައް އޮފް ދުވަސް ނުވަތަ ބަންދު ދުވަސް ގޮތުގައި ނުހެދޭނެކަމަށް ބުނެފައިވެއެވެ.

އެ އަނިޔާވެރި އަދި ހައްދުފަހަނަ އަޅާފައިވާ އެމެރިކާ އާއި އިޒްރޭލުގެ ޢަމަލު ކުއްވެރި ކުރައްވައި، ރައީސް މައުމޫނު ވަނީ އެމަނިކުފާނުގެ ސޯޝަލް މީޑިއާ އެކައުންޓްތަކުގައި އިނގިރޭސި ބަހުން ޕޯސްޓެއް ކުރައްވާފައެވެ. ރައީސް މައުމޫނުގެ ޕޯސްޓުގައި ވަނީ، ޚާމަނާއީގެ ފުރާނަފުޅަށް ރަޙްމަތްލެއްވުމަށާއި، އަދި އާއިލާއަށް ކެތްތެރިކަން ދެއްވައި އީރާންގެ ރައްޔިތުންނަށް ގަދަކަން ދެއްވުން އެދި ދުޢާކުރައްވާފައެވެ.

މިއަދުގެ ނޫސްވެރިންގެ ބައްދަލުވުމުގައި، ރައީސުލްޖުމްހޫރިއްޔާ ވަނީ، ޚާމަނާއީ ޝަހީދުކޮށްލުން ކުއްވެރިކުރެއްވުމަށް ދެކޮޅު ހައްދަވާފައެވެ. އަދި އީރާނުގެ އަންހެން ކުޑަކުދިންތަކެއް ކިޔަވަމުން ދިޔަ ސްކޫލަކަށް އިޒްރޭލާއި އެމެރިކާއިން ބޮން އަޅައި 100 ވުރެ ގިނަ ކުޑަކުދިން ޝަހީދުކޮށްލުންވެސް ކުއްވެރިއެއް ނުކުރެއްވިއެވެ.

ވ. އަތޮޅު ކައުންސިލުގެ ރައީސް ޝުޖާޢު ޢަލީ ވިދާޅުވީ، ރައްޔިތުންގެ ތެރެއިން ބަޔަކު ނިކުމެ ރަކީދޫ ކައުންސިލް އިދާރާ ބަންދުކުރީ، އެކައުންސިލް އިދާރާގައި އެއްވެސް މުވައްޒަފަކު ނެތުމުން ރައްޔިތުންނަށް ކައުންސިލް އިދާރާއިން ލިބެންޖެހޭ އެއްވެސް ޚިދުމަތެއް ލިބެމުން ނުދާތީ އެކަމާއި މެދު ހިތްހަމަ ނުޖެހިގެން ކަމަށެވެ.

ރައީސުލްޖުމްހޫރިއްޔާގެ އޮފީހުގައި މިހާރު ކުރިޔަށްދާ ނޫސްވެރިންގެ ބައްދަލުވުމުގައި ދައުރު ނޫހުގެ ނޫސްވެރިޔާ މުޒައްޔިން އެކަމާއި ގުޅޭ ގޮތުން ސުވާލު ކުރެއްވުމުން ސީދާ ސުވާލަށް ރައީސުލްޖުމްހޫރިއްޔާ ޖަވާބެއް ނުދެއްވިއެވެ. ރައީސުލްޖުމްހޫރިއްޔާ ވިދާޅުވީ، މިހާރު ހިނގަމުން އަންނަ ހަނގުރާމައިގައި ދެފަރާތުންދޭ ހަމަލާތައްވެސް ކުއްވެރި ކުރާ ކަމަށެވެ. އަދި ދިވެހިރާއްޖެއިން އޮތީ ޢަރަބި އިސްލާމީ ޤައުމުތަކާއި އެކުގައި ކަމުގައި ރައީސުލްޖުމްހޫރިއްޔާ ވިދާޅުވިއެވެ.

އީރާނަކީ ދިވެހިރާއްޖެއާ ސިޔާސީ ގުޅުން ޤާއިމްކޮށްފައިވާ ޤައުމެކެވެ. މީގެ ކުރިންވެސް އީރާނުގެ ވެރިން އަވަހާރަވުމުގެ ހާދިސާތަކާއި ގުޅިގެން ދިވެހިރާއްޖެއިން ތަޢުޒިޔާ ކިޔައި ހިތާމައިގައި ބައިވެރިވެފައި ވެއެވެ. އަދި ދިވެހި ޤައުމީ ދިދަ ބައިދަނޑިއަށް ތިރިކޮށްފައިވެއެވެ.

ހީނާ ވަލީދު ވިދާޅުވީ، މިއީ، މެދުއިރުމަތީގައި ހިނގާ ހަމަނުޖެހުންތަކުގެ ސަބަބުން ދިވެހި ރައްޔިތުންނަށް ކުރިމަތިވެދާނޭ ދަތިތަކާއި، ކުރިމަތިވާ ކަންކަން ޙައްލުކުރެއްވުމަށް ގުޅިގެން ފިޔަވަޅުތައް އެޅުއްވުމުގެ މަޤްޞަދުގައި އެކުލަވާލެއްވި ކޮމިޓީއެއްކަމަށެވެ.

ހޯމް މިނިސްޓަރ ޢަލީ އިޙްސާން ތުހުމަތު ކުރައްވާފައިވާ ގޮތުގައި އެވީޑިއޯ ނަގާފައި ވަނީ، އެމްޑީޕީގެ ޑެޕިއުޓީ ޗެއާޕަރސަން އިބްރާހީމް ވަހީދާއި، އެމްޑީޕީ ސަރުކާރުގައި ސްޓޭޓް މިނިސްޓަރުކަން ކުރައްވާފައިވާ އަކްރަމް ކަމާލުއްދީނެވެ. އަދި އެދެބޭފުޅުން މަގުމަތީގައި ތިއްބަވާ މަންޒަރު ފެންނަ އަދި ފޯނުން ކޮންމެވެސް ފޮޓޯ ނުވަތަ ވީޑިއޯއެއް ފެންނަ މަންޒަރު ސީސީޓީވީ ފުޓޭޖެއްވެސް ހޯމް މިނިސްޓަރ ވަނީ ޢާއްމު ކުރައްވާފައެވެ. އެވީޑިއޯގައި އަކްރަމް ކަމާލުއްދީން ފޯނު ނަންގަވައި އިބްރާހީމް ވަހީދު އަތަށް ދެއްވުމުން އެފޯނުން ކޮންމެވެސް ފޮޓޯއެއް ނުވަތަ ވީޑިއޯއެއް ނަގަވާފައި އަނބުރާ ދައްވާ މަންޒަރު ފެނެއެވެ.

'މަސްޖިދު އިބްރާހިމް'ގެ ނަމުން ނަންދީފައިވާ މި މިސްކިތް މިއަދުގެ ހުކުރު ނަމާދު ވަގުތުގައި ހުޅުއްވައި ދެއްވީ، އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދާއި އޮނަރަބަލް ޤާސިމް އިބްރާހިމްއެވެ.

ޕްރައިވަޓައިޒޭޝަން އެންޑް ކޯޕަރޭޓައިޒޭޝަން ބޯޑުން ބުނީ، އެކުންފުނީގެ ޗެއާ ޕަރަސންގެ މަޤާމުގެ އިތުރުން އެކުންފުނީގެ ބޯޑު މެމްބަރު ކަމުގެ މަޤާމުންވެސް ނަޝްވާ ވަކިކޮށްފައިވާ ކަމަށެވެ.

ފޮރިން މިނިސްޓްރީގެ ބަޔާނުގައި ވިދާޅުވެފައި ވަނީ، ރާއްޖޭގެ ވައި ނުސާފުވުމުގެ ސަބަބުން ކުރިމަތިވާ ނޭދެވޭ އަސަރުތަކަށް ދިވެހި ސަރުކާރުން އަންނަނީ ހާއްސަ އިސްކަމެއް ދެމުން ކަމަށެވެ. އެހެންވެ ރާއްޖޭގެ ވައިގެ ފެންވަރު ރަނގަޅުކުރުމަށާއި، މި މައްސަލައަށް ދާއިމީ ހައްލެއް ހޯދުމަށްޓަކައި ބޭރު ޤައުމުތަކާއި ސަރަހައްދީ އަދި ބައިނަލްއަގުވާމީ ފެންވަރުގައި ސަރުކާރުން ގިނަ މަސައްކަތްތަކެއް ދަނީ ކުރަމުން ކަމުގައިވެސް ފޮރިން މިނިސްޓްރީން ވިދާޅުވިއެވެ. މިގޮތުން ކުރައްވާ މަސައްކަތްތަކުގެ ތެރޭގައި، ސައިންޓިފިކް ދިރާސާތައް ކުރުމާއި މައުލޫމާތު ބަދަލުކުރުން އަދި ސަރަހައްދީ ގައުމުތަކާއެކު މަޝްވަރާކޮށްގެން ދާއިމީ ހައްލެއް ހޯދުމުގެ މަސައްކަތް ހިމެނޭ ކަމުގައިވެސް އެމިނިސްޓްރީން ވިދާޅުވިއެވެ.

މިއަދު މެންދުރު މި ފެރީދޯނި ފަރަށް އެރި ނަމަވެސް ފެރީ ދޯންޏަށްވެސް މާބޮޑު ގެއްލުމެއް ލިބިފައެއް ނުވެއެވެ. ފެރީދޯނި ފަރަށް އެރިތާ ތިރީހަކަށް މިނިޓްގެ ތެރޭގައި ވަނީ، ފުންކޮށްފައެވެ. ފެރީދޯނި ފުންކޮށްފައި ވަނީ މާކުރަތުގެ ރައްޔިތުން ތެރެއިން ބަޔަކު ނުކުމެ އެހީތެރިވެދީގެންނެވެ.

ރައީސުލްޖުމްހޫރިއްޔާ ނެރުއްވި ޤަރާރަކީ، ޤާނޫނުގައި ބުނާ ޝަރުޠުތައް ފުރިހަމަ ނުވާ ޤަރާރެއް ކަމުގައި، އެމްޑީޕީން ބުނެފައި ވަނީ، ޚިޔާލު ހޯދުމުގެ ވޯޓުގެ މައުލޫމާތު ކަރުދާހުގައި އެކަމާއި ގުޅޭ ހުއްޖަތްތައް ބަޔާންކޮށްފައި ނެތުމެވެ. ޤަރާރުގެ މައުލޫމާތު ކަރުދާހުގައި އެ ޚިޔާލު ހޯދުމުގެ ވޯޓަކަށް އަހަންޖެހޭ ހުއްޖަތްތައް ބަޔާން ކުރުމަކީ، ޤާނޫނުން ލާޒިމްކޮށްފައިވާ ކަމެކެވެ.

ފައިސާ ގެއްލުނު މައްސަލަ ފުލުހުންނަށް ހުށައެޅީ، މި ފެބުރުވަރީ މަހުގެ 10 ވަނަ ދުވަހުގެ ވަގުތެއްގައި ޓީޖެޓީގައި އޮތް ބޯޓެއްގެ ކެޕްޓަނާ ހަވާލުކުރި 94000 ދިވެހި ރުފިޔާ ލާފައިވާ ސިޓީ އުރައެއް ލިބެންވާ ފަރާތަށް ނުލިބި ގެއްލިފައިވާ މައްސަލައެއްގެ ގޮތުަގއި ފެބުރުވަރީ 12 ވަނަ ދުވަހުގައި ކަމަށް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވެފައި ވަނީ، ފުވައްމުލައް ސިޓީގައި ފުޅާ ދާއިރާއެއްގައި މަސްތުވާތަކެތި ވިއްކައި ވިޔަފާރިކޮށް އެކަމުން ހޯދާ ފައިސާއިން މަނީލޯންޑަރކުރާ ކަމުގެ ތުހުމަތުކުރެވޭ ދެ ނެޓްވޯކްގެ އިސްފަރާތްތަކާ އެކު ބާޞިތު ގިނަ އަދަދެއްގެ ފައިސާގެ މުއާމަލާތްތަކެއް ހިންގާފައިވާކަން ތަހުގީގަށް ފާހަގަކުރެވިފައިވާ ކަމަށެވެ. އެގޮތުން، ޢަބްދުލްބާސިޠުގެ ނަމުގައި ބެންކުތަކުގައި ހުޅުވާފައިވާ އެކައުންޓުތަކަށް އެކި ފަރާތަކުން ތިންމިލިއަނަށް ވުރެން ގިނަ ރުފިޔާއާއި ނަވާރަހާހަށް ވުރެ ގިނަ އެމެރިކާ ޑޮލަރުގެ މުއާމަލާތްކޮށްފައިވާކަމަށާއި އެފައިސާއަކީ މަސްތުވާތަކެތީގެ ވިޔަފާރިކޮށްގެން ހޯދާފައިވާ ފައިސާކަން ތަޙްޤީޤަށް ސާބިތުވެފައިވާ ކަމަށެވެ.

ޢަބްދުލްބާސިޠު ހައްޔަރުކޮށްފައިވަނީ ފުވައްމުލައް ސިޓީއަށް މަސްތުވާތަކެތި އެތެރެކޮށް އެ ތަކެތި ވިއްކައި ވިޔަފާރިކޮށް އެކަމުން ހޯދާ ފައިސާއިން މަނީލޯންޑަރކުރާ ނެޓްވޯކްތަކާ ދެކޮޅަށް 2024 ވަނަ އަހަރު ފުލުހުން ފަށާފައިވާ ހާއްސަ އޮޕަރޭޝަންގެ ތެރެއިން ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.