ރާއްޖެ

ފުލުހުންގެ އިދާރާއިން ވިދާޅުވީ، އައްޑޫ ސިޓީ، ހިތަދޫ ފަތާ ޓްރެކް ސަރަހައްދުން މަރުވެފައި އޮތް މީހަކު ފެނިގެން، ފުލުހުންނަށް މިއަދު ހަވީރު 16:41 އެހައިކަންހާއިރު ރިޕޯޓްކޮށްފައި ވާކަމަށެވެ. އަދި މި ރިޕޯޓު ލިބުމާއެކު ފުލުހުން އެ ސަރަހައްދަށް ގޮސް، އެ މީހާގެ ހަށިގަނޑު ވަނީ އައްޑޫ ސިޓީ އިކުއެޓޯރިއަލް ހޮސްޕިޓަލަށް ގެންގޮސްފައި ކަމަށާއި އެމައްސަލައާ ގުޅިގެން ފުރިހަމަކުރަންޖެހޭ އިޖުރާއަތްތައް ފުރިހަމަކުރަމުގެ މަސައްކަތް ދަނީ ކުރަމުން ކަމުގައި ފުލުހުންގެ އިދާރާއިން ވިދާޅުވިއެވެ.

ގަލޮޅު ސަހަރާގެ މޯޗަރީ -- ފޮޓޯ: ރައްޔިތުންގެ ނޫސް

ފުލުހުންގެ އިދާރާއިން ވިދާޅުވީ، މަރުވެފައި އޮއްވައި ފެނުނު އެމީހާގެ ހަށިގަނޑު މިހާރު މޫދުން ނަގައިގެން ހޮސްޕިޓަލަށް ގެންގޮސްފައިވާ ކަމަށެވެ. ފުލުހުންގެ އިދާރާއިން ވިދާޅުވީ މަރުވެފައި އޮއްވައި ފެނުނު މީހަކީ ބިދޭސީ ފިރިހެނެއް ކަމަށާއި، މިހާތަނަށް އެއީ ކާކުކަން ދެނެގަނެވިފައި ނުވާކަމަށެވެ.

ގެއްލިގެން ހޯދަމުން ދިޔައީ، ރ. ވާދޫ، ވިންޑްސްޓަރ، މުޙައްމަދު އިޤްބާލެވެ. ފުލުހުންގެ އިދާރާއިން ވިދާޅުވީ، އިޤްބާލް ފެނިފައިވަނީ މިއަދު ހެނދުނު 06:53 އެހައިކަންހާއިރު، އޭނާ ދަތުރުކުރި ޑިންގީގެ އިންޖީނު ހުއްޓިގެން ރ. އަލިފުށި ކައިރީގައި އޮންނަ އޮއެވާލި ކަނދުފަތީގެ ބޮއެ ކައިރިން އޮޔާދަނިކޮށް ކަމަށެވެ. ފުލުހުންގެ އިދާރާއިން ވިދާޅުވީ، އޭނާ ފެނުނީ، އޭނާ ހޯދުމަށް ކަނޑުމައްޗަށް ނުކުތް ވާދޫގެ އުޅަނދަަކަށް ކަމަށެވެ. ފެނުނު އިރު އޭނާގެ ޙާލުވެސް ރަނގަޅު ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، މަރުވެފައި އޮތް މީހަކު ފެނިފައި ވަނީ، މާފަންނު، ދަކަންދާމަގު ގައި ހުންނަ ގެއެއްގެ ތެރެއިން ކަމަށެވެ. އަދި މަރުވެފައި އޮއްވައި ފެނުނު މީހަކީ، ސ.ހުޅުދޫ، ތޯތާޕަރީ/ މުޙައްމަދު ނިޒާރު) 54އ( އަހަރު ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވެފައިވާ ގޮތުގައި އަލިފާނުގެ މިހާދިސާ ފުލުހުންނަށް ރިޕޯޓްކޮށްފައި ވަނީ ރޭގެ ދަންވަރު 2:00 ހާއިރުގައެވެ. އަލިފާނުގެ މިހާދިސާ ހިނގާފައި ވަނީ، ކޮންސްޓްރަކްޝަން މަސައްކަތް ކުރާ ކުންފުންޏެއްގައި މަސައްކަތް ކުރާ މީހުން ތިބި ގެއެއްގައެވެ.

އަލިފާނުގެ ހާދިސާގައި ނިޔާވި 5 މީހުންގެ އިތުރުން އިތުރު ދެމީހަކުވެސް ވަރަށް ބޮޑަށް ފިހިގެން ފަރުވާ ދިނުމަށް މާލެ ގެނެސްފައިވާ ކަމުގައި ފުލުހުންގެ އިދާރާއިން ވިދާޅުވިއެވެ..

ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުން އަންނަނީ، ރ. ވާދޫ، ވިންޑްސްޓަރ، މުޙައްމަދު އިޤްބާލު ކަމަށެވެ. އޭނާ ގެއްލިގެން ފުލުހުންނަށް ރިޕޯޓްކޮށްފައި ވަނީ ބުރާސްފަތި ދުވަހުގެ ރޭ 20:48 ހާއިރުގައި ކަމަށް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، މިހާތަނަށް ލިބިފައިވާ މައުލޫމާތަށް ބަލާއިރު، އަނިޔާވެފައި ވަނީ ފުލުސް މީހާގެ ރަސްމީ މަސައްކަތުގެ ތެރެއިން ނޫން ކަމަށާއި، މި ހަމަލާގައި އަނިޔާވި ފުލުސް މީހާއަށް މިހާރު ދަނީ ހޮސްޕިޓަލުގައި ފަރުވާދެމުން ކަމުގައި ފުލުހުންގެ އިދާރާއިން ވިދާޅުވިއެވެ.

މިނިސްޓަރ މޫސާ ޒަމީރު ވިދާޅުވީ، ހަނގުރާމައިގެ ސަބަބުން އިޤުތިޞާދަށް އަންނަ ލޮޅުންތަކާއި އެކު، ތެލާއި ކާބޯތަކެތީގެ އަގުތައް މައްޗަށް ދިޔަ ނުދިނުމަށްވެސް ސަރުކާރުން ފިޔަވަޅުތައް އަޅަމުން އަންނަ ކަމަށެވެ. މިގޮތުން ގެއްލުންތައް ފޫބެއްދުމަށް 100 މިލިއަން ޑޮލަރު ހޯދުމުގެ މަސައްކަތް ކުރަމުން އަންނަ ކަމުގައިވެސް ފިނޭންސް މިނިސްޓަރ ވިދާޅުވިއެވެ.

މިކަން ހާމަކުރައްވާފައި ވަނީ، މިއަދު ހަވީރު ރައީސުލްޖުމްހޫރިއްޔާގެ އޮފީހުގައި ބޭއްވެވި ނޫސްވެރިންގެ ބައްދަލުވުމުގައި، ހަނގުރާމަ އާއި ގުޅިގެން ރައީސުލްޖުމްހޫރިއްޔާ އެކުލަވާލައްވާފައިވާ ވަޒީރުންގެ މަޖިލީހުގެ މެމްބަރުން ހިމެނިވަޑައިގަންނަވާ ކޮމިޓީންނެވެ. މި ކޮމިޓީގެ ޗެއަރއަކީ، ފޮރިން މިނިސްޓަރ ޑރ ޢަބްދުﷲ ޚަލީލެވެ.

އިލެކްޝަންސް ކޮމިޝަނުން ވިދާޅުވީ، ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓުގައި، ޖުމްލަ 299،876 މީހުންނަށް ވޯޓުލުމުގެ ޙައްޤު ލިބޭ ކަމަށެވެ. އޭގެތެރޭގައި ހިމެނެނީ 144،506 އަންހެނުންނާއި 150،370  ފިރިހެނުންނެވެ.

ޚާރިޖިއްޔާއިން އިނގިރޭސިބަހުން ނެރުނު ބަޔާނުގައި ކުއްވެރިކުރުން އިސްކޮށްފައި ވަނީ، އީރާނުން ރައްދުގައި ދިން ހަމަލާތަކެވެ. މިގޮތުން ބަޔާނުގައި އެންމެ ފުރަތަމަ ބުނެފައި ވަނީ، އީރާނުން ގަލްފުގެ ޤައުމުތަކަށް އަމާޒުކޮށްދޭ ހަމަލާތައް ކުއްވެރި ކުރާ ކަމަށެވެ. އެހެން ނަމަވެސް އީރާނުން ހަމަލާދެމުން އަންނަނީ އީރާނަށް ހަމަލާދިނުމަށް އެމެރިކާ އާއި އިޒްރޭލުން ބޭނުން ކުރަމުން އަންނަ ގަލްފުގެ ޤައުމުތަކުގައި ހުރި އަސްކަރީ މަރުކަޒުތަކަށެވެ. އަދި އެމަރުކަޒުތަކަށް އަމާޒުކޮށް އީރާނުން ފޮނުވާ މިސައިލްތައް އިންޓަރސެޕްޓް ކުރުމުގެ ތެރޭގައި އާއްމުން ދިރިއުޅޭ ސަރަހައްދުތަކަށާއި އިމާރާތްތަކަށް ވެއްޓި ގެއްލުންތައް ލިބިފައިވެއެވެ. ޔޫއޭއީގައިވެސް މީހަކު މަރުވެފައި ވަނީ، އިންޓަރސެޕްޓްކުރި މިސައިލެއްގެ ބައިތައް ވެއްޓިގެން ހިނގި ހާދިސާއެއްގައެވެ.

"ހަގީގަތަކީ މިހެން ރައީސް ސަރުކާރު ބަންދުދުވަހެއްގެ ގޮތުގައި ހަމަޖައްސަވާ ދުވަސްދުވަހު އާރްޑީސީއިން މަޖުބޫރުކޮށްގެން މުވައްޒަފުން ޑިއުޓީއަށް ނެރެނީ" މި ނޫހާ ވާހަކަދެއްކި ފަރާތުން ކަންބޮޑުވުންފާޅުކުރިއެވެ.

ސިވިލްސަރވިސްގައި ހިމެނޭ ސަރުކާރުގެ މުވައްޒަފުންގެ ތެރެއިން، އިއްޔެ އެއްވެސް ޗުއްޓީއެެއްގައި ހުރި މުވައްޒަފަކަށް ރަމަޟާން މަހުގެ ފަހު 10ގައި ހާޟިރީ އެލަވަންސް ނުދޭ ގޮތަށް ހަމަޖައްސައި، ދައުލަތުގެ ޕޭ ފްރޭމްވަރކަށް ވަނީ ބަދަލު ގެނެސްފައެވެ. އެހެން ނަމަވެސް ސިވިލްސަރވިސްގައި ހިމެނޭ މުވައްޒަފުންގެ ތެރެއިން އެކި މަސައްކަތްތަކުގައި ފަހު 10ގެ ދުވަސްތަކުގައި ޑިއުޓީތަކަށް ނުކުންނަން ޖެހޭ ފަހު 10ގައި ނުކުތް ދުވަސްތަކަށް މުަވައްޒަފުންނަށް ހާޟިރީ އެލަވަންސް ލިބޭނެއެވެ.

އެކޯޓުން ނެރުއްވާފައިވާ ދެންނެވުމުގައި ވިދާޅުވީ، ރަމަޟާން މަހުގެ 20 ވަނަ ދުވަހުން ފެށިގެން ރަމަޟާންމަހުގެ ނިޔަލަށް ސަރުކާރު ބަންދުކުރުމަށް ރައީސުލްޖުމްހޫރިއްޔާ ނިންމަވާފައި ވާތީ، އެދުވަސްތަކުގައި ކޯޓުތައްވެސް ބަންދުވާނެ ކަމަށެވެ. އެހެން ނަމަވެސް އެދުވަސްތަކުގައި އިސްތިއުނާފުގެ މުއްދަތު ހަމަވާ މައްސަލައެއް ނަމަ، ބަންދަށްފަހު ކޯޓު ހުޅުވޭ ފުރަތަމަ ދުވަހު ހުށައެޅުމުން އެއީ އިސްތިއުނާފުގެ މުއްދަތުގެ ތެރޭގައި ހުށައަޅާފައިވާ މައްސަލައެއްގެ ގޮތުގައި ބަލައިގަަންނާނެ ކަމުގައި ސްޕްރީމް ކޯޓުން ވަނީ ހާމަކުރައްވާފައެވެ.

ޗާގޯސްގެ ރަށްތަކަކީ، ދިވެހިރާއްޖޭގެ ބައެއް ކަމަށާއި އެރަށްތައް އަނބުރާ ހޯއްދަވާނެ ކަމަށާއި، ޗާގޯސްގެ ރަށްތަކުގެ ސިޔާދަތީ ބާރު ދިވެހިރާއްޖެއަށް ލިބުމުންވެސް ޑިއޭގޯ ގާސިއާގައި އެމެރިކާގެ އަސްމަރީ މަރުކަޒު ހިންގުމަށް ރާއްޖެއިން ހުރަސް ނާޅާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބޭރުގެ މީޑިއާތަކަށް ދެއްވި ބަސްދީގަތުމުގައި ވިދާޅުވެފައިވެއެވެ.

މާލެ ސަރަހައްދުގައި ކުރިޔަށް ގެންދިޔަ މިހަރަކާތުގައި، ހޯމް މިނިސްޓަރ ޢަލީ ޢިހްސާނާއި، ފުލުހުންގެ އިދާރާ ހިންގެވުމާއި ވަގުތީ ގޮތުން ހަވާލުވެވަޑަިއގެން ހުންނެވި، ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީވެސް ބައިވެރިވެވަޑައިގެންނެވި ކަމުގައި ފުލުހުންގެ އިދާރާއިން ހާމަކުރައްވާފައި ވެއެވެ.

މިސްކިތް ތަޅާލުމަށް ނިންމިކަން އިއުލާނު ކުރުމާއި ގުޅިގެން އުފެދުނު ކަންބޮޑުވުންތަކާއި ގުޅިގެން ފަހުން މިނިސްޓަރ ޝަހީމް ކުރެއްވި ޕޯސްޓުގައި ވިދާޅުވީ، އެ މިނިސްޓްރީން ކަންކަން ކުރާނީ ރައްޔިތުންގެ އަޑުއަހާފައި ކަމަށާއި. އައު މިސްކިތެއް ބިނާކުރުމާމެދު ފުޅާ ދާއިރާއެއްގައި މަޝްވަރާކުރާން ބޭނުންވާ ކަމަށެވެ.