ރާއްޖެ

އެމްއެންޑީއެފުން ހާމަކުރައްވާފައިވާ ގޮތުގައި، މި ހާދިސާގެ މަޢުލޫމާތު މިއަދު 08:20 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުމާ އެކު، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައެވެ.

އެމައްސަލައަކީ، ރައްޔިތުންގެ މަޖިލީހުގެ މެމްބަރަކު، އެ މެމްބަރަކު ނިސްބަތްވާ ސިޔާސީ ޕާޓީއަކުން ވަކިކޮށްފިނަމަ، ގޮނޑި ގެއްލޭ ގޮތަށް، ޤާނޫނު އަސާސީގެ 73 ވަނަ މާއްދާއަށް ގެނެސްފައިވާ އިސްލާޙަކީ ބާޠިލް އިސްލާޙެއް ކަމަށް ކަނޑައަޅައި ދިނުމަށް އެދި، ޤާނޫނީ ވަކީލު އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު، ޢަލީ ޙުސައިން ހުށައަޅުއްވާފައިވާ މައްސަލައެކެވެ.

މާލެ ސަރަހައްދަށް ވިދައި ވަރަށް ބާރަށް ގުގުރަމުންދާއިރު، 12 ޖެހުމާއި ގާތްވެފައި ވަނިކޮށް ޖެހި ހޮނުގުގުރިއެއްގައި، ހިޔާގެ ބައެއް ޓަވަރުތަކުން ކަރަންޓްވެސް ކެނޑުނެވެ. މީގެ އިތުރުން ގުގުރީގެ އަޑާއިއެކު މަގުމަތީގައި ހުންނަ ސައިކަލްތަކަށް ލޮޅުން އަރައި، ސައިކަލްތަކުންވެސް އެލާމްއަޅަމުންދާ މަންޒަރު ވަނީ ފެނިފައެވެ.

މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފައި ވަނީ، މިރޭގެ 23:00 އިން ފެށިގެން ފަތިހު 5:00އަށެވެ. ވައިޓް އެލާޓް ނެރެފައި ވަނީ، ޅ އަތޮޅުންފެށިގެން އައްޑުއަތޮޅާއި ދެމެދުގެ ހުރިހާ އަތޮޅަކަށެވެ. މޫސުމާއި ބެހޭ ޤައުމީ އިދާރާއިން ވިދާޅުވީ، މިހާރު ކުރަމުން އަންނަ ވިއްސާރައިގައި ބޯކޮށް ވެހުމާއި އެކު ވިދައި ގުގުރާނެ ކަމަށެވެ.

އިލެކްޝަންސް ކޮމިޝަނުން ފޮނުވި ސިޓީގައި ވަނީ، ޤާނޫނުތަކާއި ގަވާއިދުތަކުގެ ހުދޫދުގެ ތެރެއިން ސިޔާސީ ޙަރަކާތްތައް ކުރިއަށް ގެންދިޔުމަށް ޕާޓީތަކަށް އަންގާފައެވެ. އިލެކްޝަންސް ކޮމިޝަނުން މިއަދު ފޮނުވި ސިޓީގައި، ސިޔާސީ ޕާޓީތަކުން ކުރިއަށް ގެންދާ ސިޔާސީ ޙަރަކާތްތައް ހިންގަންވާނީ ޞުލްޙަވެރިކަމާއެކު އެއްވެއުޅުމުގެ މިނިވަންކަމުގެ ޤާނޫނު ގައި ބަޔާންކޮށްފައިވާ ގޮތުގެމަތިން ކަމަށް ބަޔާންކޮށް، އެ ދެޕާޓީން މިދުވަސްވަރު ހިންގަމުންދާ ޙަރަކާތްތަކާއި އެއްވުންތައް ބޭއްވުމުގައި ޤާނޫނުތަކާއި ގަވާއިދުތަކާއި އެއްގޮތަށް ޢަމަލުކުރުމަށް ވަނީ އަންގާފައެވެ.

ކޯޓު އަމުރުތަކުން އެނގޭ ގޮތުގައި، ފުލުހުން އަދަދު ނޫހުގެ އޮފީހަށްވަދެ ބަލައި ފާސްކޮށް، އެ ނޫހުގެ ކޮމްޕިޓަރުތަކާއި ލެޕްޓޮޕްތަކުގެ ހާޑުޑިސްކުތައް ނަގައިގެން ގެންގޮސްފައި ވަނީ، އަދަދު ނޫހުން މާރިޗުމަހުގެ 28 ވަނަ ދުވަހު، ޝާއިޢުކުރި، ޑޮކިއުމެންޓްރީ "އައިޝާ" އާއި ގުޅިގެން ފުލުހުން ހިންގާ ތަޙްޤީޤަށެވެ.

ފުލުހުންގެ އިދާރާއިން ވިދާޅުވީ، އެމައްސަލައިގައި ހައްޔަރުކޮށްފައި ވަނީ، ގ. އީރީ / މާލެ، ޢަބްދުﷲ މުޢާޒް)35އ( ކަމަށެވެ. އޭނާ ހައްޔަރުކުރީ ކޯޓު އަމުރެއްގެ ދަށުން ކަމަށާއި، އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 15 ދުވަހަށް ބަންދުގައި ބެހެއްޓުމަށް ކޯޓުން އަމުރުދީފައިވާ ކަމަށެވެ.

އެސައިކަލުގައި ބަޔަކު ނުވަތަ މީހަކު ގަސްތުގައި ރޯކޮށްލީ ކަމަށް ބެލެވޭ ކަމުގައި އެރަށުގެ ބައެއް މީހުން ބުނެފައި ވެއެވެ. އަދި އެކަމާއި ގުޅިގެން އެމައްސަލަ ބަލައި ތަޙްޤީޤުކޮށް ފިޔަވަޅު އެޅުމަށްވެސް އެރަށުގެ އާއްމު ބައެއް ފަރާތްތަކުން ސޯޝަލްމީޑިއާގައި ވަނީ ގޮވާލާފައެވެ.

ކްރިމިނަލް ކޯޓުން ފިޔާޒުގެ ފުރުން މަނާކޮށްފައި ވަނީ، މާރިޗު މަހުގެ 28 ވަނަ ދުވަހު، އޮންލައިން ނޫސް އަދަދުން ގެނެސްދީފައިވާ އައިޝާ ޑޮކިއުމެންޓްރީގެ މައްސަލައިގެ ތަޙްޤީޤާއި ގުޅިގެންނެވެ. އަދި ކުރިމިނަލްކޯޓުން އެއަމުރު ނެރެދީފައި ވަނީ، ފިޔާޒު ރާއްޖެއިން ފުރައިގެން ދާން އުޅޭ ކަމުގެ އިންޓެލިޖެންސް މައުލޫމަތު ލިބިފައިވާކަމަށް ފުލުހުން ކޯޓަށް މައުލޫމާތު ދީފައި ވާތީއެވެ.

ފުލުހުން މިހެން ބުނެފައި ވަނީ، ފުލުހުން އަދަދު ނޫހުގެ އޮފީހުގައި ހިންގަމުން އަންނަ ބަލައިފާސްކުރުމާއި ގުޅިގެން ފުލުންގެ ސޯޝަމީޑިއާ ޕްލެޓްފޯމްތަކުގައި ކޮށްފައިވާ ޕޯސްޓެއް ގައެވެ. ފުލުހުން އަދަދުގެ އޮފީހަށް ވަނީ، ހިނގަމުންދާ ޖިނާޢީކުށުގެ ތަޙްޤީޤެއްތެރެއިން ކަމުގައި ބުނެފައިވީނަމަވެސް އެއީ ކޮން މައްސަލައެއް ކަމެއް ފުލުހުން ހާމަކޮށްފައެއް ނުވެއެވެ. ފުލުހުންގެ އިދާރާއިން ބުނެފައި ވަނީ އެމައްސަލަ އާއި ގުޅޭ މައުލޫމާތު ފަހުން އާއްމު ކުރާނެކަމަށެވެ.

އެމައްސަލައިގައި ދަޢުވާކުރައްވާނެ ކަމުގައި ރައީސުލްޖުމްހޫރިއްޔާ ވިދާޅުވި ނަމަވެސް އެމައްސަލަގައި ދަޢުވާކުރައްވާނީ ފަރުދީ ހައިސިއްޔަތުން ކަމެއް ނުވަތަ ނޫންކަމެއް ރައީސުލްޖުމްހޫރިއްޔާ ވިދާޅެއް ނުވެއެވެ. ރައީސުލްޖުމްހޫރިއްޔާ ވިދާޅުވީ، އެކަން ކަމާބެހޭ އިދާރާތަކުން ކުރައްވާނެ ކަމަށެވެ.

ސަރުކާރުގެ ތަރުޖަމާނު މުޙައްމަދު ޙުސައިން ޝަރީފް ނެރުއްވި ބަޔާނުގައި ވިދާޅުވެފައި ވަނީ، އެ މަޤާމަށް ޢައްޔަނު ކުރެވުނު ބޭފުޅުންނަކީ އަލްފާޟިލް އާދަމް ޝަރީފު ޢުމަރާއި، އަލްފާޟިލް ޠާރިޤު އިބްރާހީމް އަދި އަލްއުސްތާޛާ ފާޠިމަތު ދިޔާނާ ސަޢީދު ކަމަށެވެ. އެމްބެސެޑަރ އެޓް ލާޖްގެ މަޤާމަށް ޢައްޔަނު ކުރެވެނީ ހުސްވެފައިވާ ސަފީރުންގެ މަޤާމުތަކަށް ޢައްޔަނު ކުރެއްވުމަށް ކަމަށާއި، އެއީ އަލަށް އުފައްދަވާފައިވާ މަޤާމުތަކެއް ނޫންކަމުގައި ތަރުޖަމާނު ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އެކަނި ދިރިއުޅެމުންދިޔަ މީހެއްގެ ހަބަރެއް ނުވެ ދެ ދުވަސް ވެފައިވާކަމަށް ފުލުހުންނަށް ލިބުނު ރިޕޯޓަކާ ގުޅިގެން އެމީހާ ދިރިއުޅޭ ގެއަށް 2026 އޭޕްރީލް 26 ވަނަ ދުވަހުގެ ރޭ 21:53 އެހައިކަންހާއިރު ވަދެ ބެލި އިރު އެމީހާ ނިޔާވެފަ އޮއްވައި ފެނިފައިވާ ކަމަށެވެ.

އިންނަމާދޫ ކައުންސިލް މެމްބަރަކު ވިދާޅުވީ، މިހާދިސާ ހިނގާފައި ވަނީ މިއަދު ހަވީރު 5 ޖަހައި ބޮޑުވިފަހުން ކަމަށެވެ. ހާދިސާގައި ޖުމުލަ 6 މީހަކަށް އަނިޔާވި އިރު، އޭގެ ތެރޭގައި ހިމެނެނީ ދިވެއްސަކާއި 5 ބިދޭސީންނެވެ. އަނިޔާވި މީހުންގެ ތެރޭގައި ހިމެނޭ 5 ބިދޭސީން މިހާރު ވަނީ، އިންނަމާދޫ ޞިއްޙީމަރުކަޒުގައި ފަރުވާ ދިނުމަށް ފަހު، އުނގޫފާރު ރީޖަނަލް ހޮސްޕިޓަލަށް ގެންގޮސްފައެވެ. އޭގެ ތެރޭގައި ހިމެނެނީ ދިވެއްސަކާއި 5 ބިދޭސީންކަމުގައި، އިންނަމާދޫ ކައުންސިލްގެ ރައީސް ވިދާޅުވިއެވެ.

މި ހާދިސާއާ ގުޅޭގޮތުން ޗީފް ގަވަރންމަންޓް ސްޕޯކްސްޕަރސަން މުޙައްމަދު ޙުސައިން ޝަރީފް ނެރުއްވި ބަޔާނުގައި ވިދާޅުވީ، މި ހަމަލާއަކީ ސަރުކާރުން ކޮށްފައިވާ ކަމެއްކަމަށް މޭޔަރު އާދަމް އާޒިމް ވިދާޅުވެފައިވާކަމީ ހައިރާންވާކަމެއްކަމަށާއި އެއީ ކޮން ކަމެއްގެ މައްޗަށް ނުވަތަ، ކޮން ހެއްކަކާ ޤަރީނާއެއްގެ މައްޗަށް ބިނާކޮށް ވިދާޅުވި ވާހަކަފުޅެއްކަމެއް ހަމަ އެއްގޮތަކަށްވެސް އެނގިވަޑައިނުގަންނަވާކަމަށެވެ.

ފުލުހުންގެ އިދާރާއިން ވިދާޅުވީ، މާލެ ކަސްޓޯޑިއަލް ގައި ފުލުހުންގެ ބަންދުގައި ހުރި މީހަކު ބަންދު ގޮޅީގައި ހަބަރު ހުސްވެފައި އޮއްވާ ފެނިގެން 2026 އޭޕްރީލް 24 ދުވަހުގެ މެންދުރު އައިޖީއެމް ހޮސްޕިޓަލަށް ގެންދިޔަ ކަމަށާއި، ހޮސްޕިޓަލަށް ގެންދިޔައިރުވެސް އެމީހާ އޮތީ ނިޔާވެފައި ކަމަށެވެ.

ރައީސް ނަޝީދު ވިދާޅުވީ، މިއީ އެމަނިކުފާނުގެ ދަރިންގެވެސް ރަށް ކަމަށާއި އެންމެންގެވެސް ޤައުމުކަމަށެވެ. އަދި މިރާއްޖެ ގޯސްކޮށް ދާން ދޫކޮށްލެވެން ނެތްކަމަށާއި، ވެރިކަން ބަދަލުކުރަން ޖެހޭ ކަމަށެވެ. އަދި އެކަން ކުރަން އެންމެ ރަނގަޅު ބަޔަކީ އެމްޑީޕީކަމުގައިވެސް ރައީސް ނަޝީދު ވިދާޅުވިއެވެ.

ލޭ ރައްކާކުރެވިފައި ހުރި ފިނިހޫނު މިނާއި މެދު ސުވާލު އުފެދުނު ލޭ، 3 ޕޭޝަންޓެއްގެ ގަޔަށް އެޅިފައިވާކަން ފާހަގަ ވުމާއިއެކު އެކަން އެފަރާތްތަކަށްވެސް އަންގައި މައުލޫމާތު ހިއްސާކޮށް އަޅަންޖެހޭ ފިޔަވަޅުތައް އަޅަމުންދާކަމުގައިވެސް މޯލްޑިވްސް ބްލަޑް ސަރވިސް އިން ބުނެފައިވެއެވެ. އަދި އެއިން އެއްވެސް ޕޭޝަންޓަކަށް ސިއްޙީ މައްސަލައެއް ދިމާވެގެން މިހާތަނަށް ރިޕޯޓްކޮށްފައެއްވެސް ނުވެއެވެ.

މޯލްޑިވްސް ބްލަޑް ސަރވިސްއިން ބުނެފައި ވަނީ، އެކަން ހިނގާފައި ވަނީ، ލޭ އެޅުމުގެ ކަންކަން ބެލެހެއްޓުމާ ހަވާލުވެ ހުރި މުވައްޒަފުންގެ އިހުމާލުން ކަމުގައިވާތީ އޭޕްރީލް މަހުގެ 23 ވަނަ ދުވަހުންފެށިގެން އޭނާ އޮފީހަށް ނުކުތުން މަނާކޮށްފައިވާ ކަމަށެވެ. އަދި މާލޭ ގުރޫޕް އޮފް ހޮސްޕިޓަލްސްގެ ފަރާތުން ތަޙްޤީޤު ޓީމެއް އެކުލަވާލައި އެކަން ތަޙްޤީޤުވެސް ކުރަން ފަށާފައިވާ ކަމަށެވެ.

އަލިފާނުގެ ހާދިސާ ހިނގާފައި ވަނީ، ކަރަންޓް ޝޯޓެއްގެ ސަބަބުން އެމިސްކިތުގެ ބްރޭކަރު ބޯޑުގައި ރޯވެގެންނެވެ. މިހާދިސާގައި މީހަކަށް އަދި މިސްކިތަށްވެސް މާބޮޑު ގެއްލުމެއް ލިބިފައެއް ނުވެއެވެ. އެހެން ނަމަވެސް މިސްކިތުގެ ކަރަންޓް ވިއުގައަށް ވަނީ ގެއްލުންތައް ލިބިފައެވެ.