ރާއްޖެ

ޑރ. ޝަމްހީދު ވިދާޅުވީ، ރައީސް މުއިއްޒު އެކަމަކަށް އެންމެބޮޑަށް ފާޑުވިދާޅެ އަދި އަޑަށް އެންމެ ބާރުލާފައި ނުކުރައްވާނެ ކަމަށް ދެއްކެވި ވާހަކަ އަކީ، "ފައިސާ ޗާޕުކުރުން" ކަމަށެވެ. އެހެން ނަމަވެސް މިއަދު 2.4 ބިލިއަން ޗާޕުކުރީ ކީއްވެތޯ ރައްޔިތުން އަމިއްލައަށް ސުވާލުކޮށްލަން ޖެހޭ ކަމުގައި ޑރ، ޝަމްހީދު ވިދާޅުވިއެވެ.

މާދަމާ ސަރުކާރު ބަންދު ދުވަހެއްގެ ގޮތުގައި ހަމަޖައްސަވާފައި ވަނީ، މާދަމާއަކީ ރައީސުލްޖުމްހޫރިއްޔާ ރައްޔިތުންގެ މަޖިލީހަށް ރިޔާސީ ބަޔާން ހުށައަޅުއްވާ ދުވަސް ކަމުގައި ވާތީއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމަށް ވަޑައިގެން ރިޔާސީ ބަޔާން ހުށައަޅުއްވާ ދުވަހަކީ، ރަސްމީ ދުވަހެއްގެ ގޮތުގައި ހަމަ ޖެއްސެވުމަށްފަހު، އަނެއްކާ އަލުން އެދުވަހަކީ ސަރުކާރު ބަންދު ދުވަހެއް ކަމުގައި ހަމަޖައްސަވައި އެކަން އިޢުލާނު ކުރެއްވީ މިއަހަރުގެ ޖެނުއަރީ މަހުގެ 13 ވަނަ ދުވަހުގައެވެ.

އެއިދާރާއިން ވިދާޅުވީ، ހުކުރު ދުވަހު ހިނގި އަލިފާނުގެ ހާދިސާ އާއި ގުޅިގެން ހިޔާގެ 31 ޓަވަރެއްގައި ދިރިއުޅެމުން އައި 148 މީހަކަށް ވަގުތީ ބޯހިޔާވަހިކަމާއި އެހީތެރިކަން ފޯރުކޮށްދީފައިވާ ކަމަށެވެ، އަދި އެހީތެރިކަން ދިނުމަށް ކަނޑައެޅިމުއްދަތު ހަމަވުމާއި މިއަދު އާއިލާތައް އަނބުރާ އެޕާޓްމަންޓްތަކަށް ބަދަލުވާނެ ކަމުގައިވެސް އެންޑިއެމްއޭއިން ވިދާޅުވިއެވެ.

އައު ފްރަންޓް އޮފީސް ހުޅުވުމުގެ މައިގަނޑު މަޤްޞަދަކީ ރައްޔިތުންނަށް ބޭނުންވާ ޚިދުމަތްތައް ލުއިފަސޭހަ ގޮތެއްގައި ފޯރުކޮށްދިނުން ކަމުގައި މޯލްޑިވްސް ކަރެކްޝަނަލް ސަރވިސް އިން ވިދާޅުވިއެވެ. އަދި އަދި އެމްސީއެސްގެ ހެޑްކުއަރޓަރސް ފަދައިން، ފްރަންޓް އޮފީހަކީވެސް ރިހެބިލިޓޭޝަންގެ ތެރެއިން ވަޒީފާ އަދާކުރާ ޤައިދީންނާއި އެމްސީއެސްގެ އޮފިސަރުންގެ ހީވާގި އަދި ބުރަ މަސައްކަތުން ބިނާކޮށްފައިވާ އޮފީހެއް ކަމުގައި އެ ސަރވިސް އިން ހާމަކުރައްވާފައި ވެއެވެ.

ސުޖާތާ އިސްތިއުފާ ދެއްވި ސަބަބެއް އެކަމަނާ އަދި ހާމަކުރައްވާފައި ނުވިނަމަވެސް އެކަމަނާ އިސްތިއުފާ ދެއްވާފައި މިވަނީ، ސަރުކާރުން ވިއްކި 2.4 ބިލިއަން ރުފިޔާގެ ބޮންޑުގައި އިންވެސްޓް ކުރުމަށް ޕެންޝަން އޮފީހުގެ ބޯޑުން ނިންމި ނިންމުމަށް 24 ގަޑިއިރުވެސް ނުވަނީހެވެ. ސަރުކާރުން އެ މުޢާމަލާތް ހިންގަން މަސައްކަތް ކުރަން ފެށީއްސުރެ މިހާތަނަށް ޕެންޝަން އޮފީހުގެ ބޯޑުންނާއި އިސްމަޤާމުތަކުން ގިނަ ބޭފުޅުންތަކެއް ވަނީ އިސްތިއުފާ ދެއްވާފައެވެ.

އެމްޑީޕީން ބޭއްވި ނޫސްވެރިންގެ ބައްދަލުވުމުގައި، ލޯކަލް ކައުންސިލް އިންތިހާބުގެ ކެމްޕޭނަށް އެމްޑީޕީން ކަނޑައެޅި ތަރުޖަމާނު، އެ ޕާޓީގެ ދިއްދޫ ދާއިރާގެ ރައީސް އަބްދުﷲ ވަހީދު ވިދާޅުވީ، ބައެއް ދާއިރާތަކަށް ލާފައި ތިބި ކެންޑިޑޭޓުންނަށް ބޮޑެތި ހުށަހެޅުންތައް ހުށަހަޅައިގެން އެ ބޭފުޅުންގެ ނަން އަނބުރާ ގެންދިޔުމަށް ސަރުކާރުން މަސައްކަތް ކުރަމުން ގެންދާ ކަމަށެވެ. އަދި އިންތިޚާބާއި ގުޅިގެން ސަރުކާރު ހިންގާ ޕާޓީ ޕީއެންސީއަށް ފަހިވާގޮތަށް އިލެކްޝަންސް ކޮމިޝަނުން ކަންކަން ކުރަމުން އަންނަ ކަމުގައިވެސް އޭނާ ވިދާޅުވިއެވެ.

މާދަމާގެ ޖަލްސާގެ އެޖެންޑާގައި އޮތީ، ރައީސުލްޖުމްހޫރިއްޔާ ރައްޔިތުންގެ މަޖިލީހަށް ރިޔާސީ ބަޔާން ހުށައަޅުއްވައި ދެއްވުން އެކަންޏެވެ. ކޮންމެ އަހަރަކުވެސް ރައްޔިތުންގެ މަޖިލީހުގެ ފުރަތަމަ ޖަލްސާގައި ރައީސުލްޖުމްހޫރިއްޔާ ރިޔާސީ ބަޔާން ހުށައެޅުއްވުމަކީ، ޤާނޫނު އަސާސީގެ 84ވަނަ މާއްދާއިން ލާޒިމްކޮށްފައިވާ ކަމެކެވެ. ރިޔާސީ ބަޔާނުގައި މައިގަނޑު ގޮތެއްގައި އަލިއަޅުވާލާނީ، ފާއިތުވި އަހަރު ކުރެވުުނު ކަންކަމާއި އަދި ހިނގަމުންމިދާ އަހަރުގެ ތެރޭގައި ސަރުކާރުން ކުރުމަށް ނިންމާފައިވާ ކަންކަމާއި ގުޅޭ ގޮތުންނެވެ.

މިކަން ހާމަވީ، އެމެރިކާގެ ޖަސްޓިސް ޑިޕާޓްމަންޓުން މިހާތަނަށް އާންމުކޮށްފައިވާ އެޕްސްޓީންގެ ތަހުގީގާ ގުޅޭ ލިޔެކިޔުންތަކުން ތަކުންނެވެ. މިގޮތުން ހާމަކޮށްފައިވާ މެއިލްތަކުން އެނގޭ ގޮތުގައި ރައީސް ނަޝީދުގެ ވެރިކަން ވެއްޓުމަށް ފަހުގައި، އޭރު ނައިބު ރައީސް ކަމުގައި ހުންނެވި ޑރ. މުޙައްމަދު ވަޙީދު ޙަސަން މަނިކު ވެރިކަމުގެ ހުއްވާ ކުރެއްވުމުން އެޕްސްޓީންވަނީ ރައީސް ޑރ. ވަހީދަށް މަރުޚަބާ ކިިޔާފައެވެ.

ފުލުހުންގެ އިދާރާއިން ވިދާޅުވީ އެމައްސަލައިގައި ހައްޔަރުކޮށްފައި ވަނީ، މ. ނާޒްލީމަންޒިލް / މާލެ، ޙަސަން ނުޢާޒު )28އ( އާއި ވ. ސެޓެލައިޓް / މާލެ، އަޙްމަދު ނަޢީމް )39އ( ކަމަށެވެ. އެމީހުން ހައްޔަރުކޮށްފައި ވަނީ، ފެމިލީ އެންޑް ޗައިލްޑް ޕްރޮޓެކްޝަނާއި، ޑްރަގް އެންފޯސްމަންޓް އަދި ކައުންޓަރ ނާކޮޓިކްސް އިންޓެލިޖަންސް ގުޅިގެން ހިންގި އޮޕަރޭޝަނެއްގައި، 2026 ފެބްރުއަރީ 01 ވަނަ ދުވަހު މާލެ ސަރަހައްދުން ކަމުގައިވެސް ފުލުހުންގެ އިދާރާއިން ވިދާޅުވިއެވެ.

އެހެން ނަމަވެސް ކުޑަކުދިންގެ ނުހަމަ ބޭނުންތައް ހިފައި އިންސާނީ ޙައްޤުތަކަށް އަރައިގަނެ އިންސާނީ ވަގުފާރިއާ ކަޅުފައިސާގެ މުއާމަލާތްތައް ހިންގި އެމެރިކާގެ މިލިޔަނަރު، ޖެފްރީ އެޕްސްޓީންއާއެކު ކުރީގެ ރައީސް ޑރ. މުޙައްމަދު ވަހީދު ޙަސަންމަނިކު ގުޅުންތައް ބޭއްވިކަން ފަޅާއެރުމާއި ގުޅިގެން އެމަނިކުފާނަށް ފާޑުކިޔައި އަދި މަޤާމުން ވަކިކުރުމަށްވެސް އާއްމުންނާއި ސިޔާސީ ފަރާތްތަކުން އައީ ގޮވާލަމުންނެވެ.

ފަތުރުވެރިކަމުގެ ދާއިރާގައި މަސައްކަތް ކުރާ ދިވެހި ފިރިހެނުންނަށް، ތުނބުޅި މަތިމަސް ބޭލުން ރިޒޯޓުތަކުން މަޖުބޫރު ކުރުވާ މައްސަލައަކީ، ޙައްލުހޯދޭނެ ކުޑަކުޑަ މައްސަލައެއް ކަމުގައި ސަރުކާރުގެ ސުޕަރ މެޖޯރިޓީ އޮތް ޕީއެންސީގެ ޕާލަމެންޓްރީ ގުރޫޕްގެ ލީޑަރު އަދި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހީމް ފަލާޙް ވިދާޅުވި ނަމަވެސް، މަޖިލީހަށް ޤަރާރު ހުށައެޅިތާ އަހަރު ދުވަސްވެގެން ދިޔައިރު އެކަމަށް ހައްލެއް ނުލިބޭކަން، ފަތުރުވެރިކަމުގެ ދާއިރާގައި މަސައްކަތް ކުރާ ފަރާތްތަކުން ކަންބޮޑުވުމާއި އެކު އަންނަނީ ފާހަގަކުރަމުންނެވެ.

މިނިސްޓްރީގެ ފަރާތުން މައުލޫމާތުދޭ ގޮތުގައި، މި ތަމްރީނުތަކުގެ ތެރޭގައި ހިމެނެނީ ފޮޓޯގްރަފީ އަދި އާޓް ސްކިލްސްގެ ސެޓްފިކެޓް ލެވެލް 3 ގެ ކޯސްތަކެވެ. އަދި ކޯސްތަކުގައި ކިޔަވައިދިނުމާއި ދަރިވަރުންގެ ފެންވަރު ވަޒަންކުރުމުގެ އެންމެހައި ކަންކަން ބައްޓަންކޮށްފައިވަނީ، ބައިވެރިންގެ ހާއްސަ ބޭނުންތަކަށް ރިއާޔަތްކޮށް، އެފަރާތްތަކަށް އެންމެ ފަސޭހަވާނެފަދަ އިންތިޒާމުތަކަކާ އެކުގައެވެ.

ޝަހީދާކޮށްފައިވާ ޕޯސްޓްގައި ބުނެފައި ވަނީ އޭނާގެ މައިންބަފައިންނަށް ނަގާފައިވާ މާލެއިން ކައްދޫއަށް ދިޔުމަށް ނަގާފައިވާ ޓިކެޓްއޮތީ އެހެން ތާރީޚަކަށް ކަމުގައި ބުނެ ފުރަންގޮސް ތިއްބައި ޓިކެޓް ކެންސަލްކޮށްފައިވާ ކަމަށެވެ. އެޝަކުވާ އާއި އެކު އޭނާ ވަނީ، އޮންލައިން ޓިކެޓްވެސް ޕޯސްޓްކޮށްފައެވެ. ޖެނުއަރީ މަހުގެ 14 ވަނަ ދުވަހު ނަގާފައިވާ އެޓިކެޓުގައި ތާރީޚަކަށް އޮތީ މިއަދެވެ. އަދި ފުރާގަޑީގެ ގޮތުގައި އޮތީ 18:00އެވެ.

އެމްސީއެސްއިން ވިދާޅުވީ، އޭނާ ނިޔާވީ، މިއަދު މެންދުރު ފަހު އޭނާ އަށް ކުއްލި މެޑިކަލް އެމަރޖެންސީއެއް ދިމާވެ، ހުޅުމާލޭ ހޮސްޕިޓަލަށް އަވަސް ފަރުވާއަށް 13:30 ގެންގޮސް ފަރުވާދޭންފެށި ކަމަށެވެ. އަދި އޭނާ މަރުވެއްޖެކަމަށް ޑޮކްޓަރުން ނިންމައި އެކަން އަންގާފައި ވަނީ 14:05 ގައި ކަމަށްވެސް މޯލްޑިވްސް ކަރެކްޝަނަލް ސަރވިސްއިން ވިދާޅުވިއެވެ. މިއީ މިއަދު މަރުވި ދެވަނަ ގައިދީއެވެ. ހުޅުމާލެ ޖަލުގައި ހުކުމް ތަންފީޒު ކުރަމުން ދިޔަ އެހެން ގައިދީއަކުވެސް ހޮސްޕިޓަލުގައި އެޑްމިޓްކޮށް ފަރުވާދެމުންދަނިކޮށް މިއަދު ވަނީ ނިޔާވެފައެވެ.

އެމްއޭސީއެލްގެ މުވައްޒަފުންނާއި، އެއާޕޯޓުގައި މަސައްކަތްކުރާ އެކި މުއައްސަސާތަކުގެ މުވައްޒަފުންނަށް ވެސް ބައިވެރިވެވެވޭގޮތަށް ކުރިއަށް ގެންދެވުނު ލޭ ހަދިޔާކުރުމުގެ މި ޕްރޮގްރާމަށް މުވައްޒަފުންގެ ވަރަށް ބޮޑު އެއްބާރުލުމެއް ލިބިފައިވާކަމުގައި އެކުންފުނިން ހާމަކުރައްވާފައި ވެއެވެ.

އެމްއެންޑީއެފުން މިރޭ ވިދާޅުވީ މި ބޯޓުތައް ހިފަހައްޓާފައި ވަނީ، އެމްއެންޑީއެފް ކޯސްޓްގާޑާއި، އެމްއެންޑީއެފް އެއަރ ކޯރއިން ހިންގި ސަރވެއިލަންސް އޮޕަރޭޝަނެއްގެ ތެރެއިން ކަމަށެވެ. ސްރީލަންކާއަށް ނިސްބަތްވާ މި ބޯޓުތައް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފައި ވަނީ ފެބުރުވަރީ 1ވަނަ ދުވަހުގެ 14:02 ހާއިރު، ހއ. ކެލާގެ އިރުން 109 ނޯޓިކަލް މޭލު ބޭރުގައި ހަރަކާތްތެރިވަނިކޮށް ކަމުގައިވެސް އެމްއެންޑީއެފުން ވަނީ ވިދާޅުވެފައެވެ.

އެމްސީއެސްއިން ވިދާޅުވީ، އޭނާއަކީ، 2025 ގައި ސްޓްރޯކެއް ޖެހިގެން، އެކަމަށް ފަރުވާ ހޯދަމުން އައިމީހެއް ކަމަށެވެ. އަދި އިބްރާހިމް ސުޙެއިލްގެ ސިއްޙީ ހާލު ދެރަވުމުން އައިޖީއެމްއެޗްގައި އެޑްމިޓްކޮށްގެން ފަރުވާ ދެމުން ގެންދާތާ ހަފްތާއެއްހައި ދުވަސް ވެފައިވާ ކަމަށާއި، އޭނާ ނިޔާވެފައިވަނީ ހޮސްޕިޓަލްގައި ފަރުވާ ދެމުންދަނިކޮށް ނިއުމޯނިއާ ޖެހިގެން އެބައްޔަށް ފަރުވާދެމުން އަންނަނިކޮށް މިއަދު ހެނދުނު 9:05 ހާއިރުގައި ކަމަށްވެސް އެމްސީއެސްއިން ވިދާޅުވިއެވެ.

އެމަނިކުފާނު މި ކޮމިޓީ އެކުލަވާލެއްވީ ޒަކާތުގެ ގާނޫނުގެ ދަށުން ރާއްޖޭގެ ޒަކާތުގެ ނިޒާމު އެކުލަވާލައި ހިންގުމާ ގުޅޭ ކަންކަމުގައި އެ ގާނޫނު ތަންފީޒުކުރާ ފަރާތްތަކަށް ޝަރުއީ ލަފާ އަދި އިރުޝާދު ދިނުމަށެވެ.

"ރައްޔިތުންގެ ނޫހަށް" މައުލޫމާތު ހިއްސާކުރި ވިލިމާލޭގައި ދިރިއުޅޭ އަންހެނަކު ބުނީ އޭނާގެ ގޭބިސީއަށް ހަދިޔާ މަސްދަޅުކޭސް ނުލިބޭނެ ކަމަށް ބުނެފައި ވަނީ އޭނާ ދިރިއުޅޭ އެޕާޓްމަންޓްގައި ހުރި ކަރަންޓް މީޓަރަކީ، ޑޮމެސްޓިކް މީޓަރަކަށް ނުވާތީ ކަމުގައެވެ. އަދި އެ މީޓަރަކީ، ކޮމާޝަލް ރޭޓުގައި ބިލްކުރާ މީޓަރަކަށް ވާތީ، ކަރަންޓްބިލްތައްވެސް ވަރަށް ބޮޑުކަން އޭނާ ފާހަގަކުރިއެވެ.

މަސްތުވާތަކެތި ގެންގުޅެ، ބޭނުންކޮށް އަދި އެ ތަކެތީގެ ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން އޭނާ ހައްޔަރުކޮށްފައިވާއިރު، އޭނާ ހައްޔަރުކޮށް، މާލޭގައި އޭނާ ދިރިއުޅޭ އެޕާޓްމަންޓް ބަލައިފާސްކުރިއިރު މަސްތުވާތަކެތި ކަމަށް ބެލެވޭ 614 ގުރާމްގެ ތަކެއްޗާއި 125،000 އަށް ވުރެ ގިނަ ރުފިޔާ ފެނިފައިވާކަމަށް ފުލުހުން ހާމަކުރިއެވެ.