ރާއްޖެ

ރައީސުލްޖުމްހޫރިއްޔާގެ އޮފީހުން ހާމަކުރައްވާފައި ގޮތުގައި އަލަން އެކުލަވާލާ ތިން ކޮމިޓީއަކީވެސް އިޤުތިޞާދީ ދާއިރާއިން ފަންނީ ލަފަޔާއި މަޝްވަރާ ދިނުމަށް އެކުލަވާލާ ތިން ކޮމިޓީއެވެ، އެކޮމިޓީތަކުގެ ތެރޭގައި ހިމެނެނީ ދިވެހިރާއްޖޭގެ ފަތުރުވެރިކަމުގެ ސިނާއަތް ދެމެހެއްޓެނެވި ގޮތެއްގައި ތަރައްޤީކޮށް ކުރިއެރުވުމަށް "ޓޫރިޒަމް ސެކްޓަރ އެޑްވައިޒަރީ ކޮމިޓީ،" އިމާރާތްކުރުމުގެ ސިނާއަތް ދެމެހެއްޓެނެވި ގޮތެއްގައި ތަރައްޤީކޮށް ކުރިއެރުވުމަށް "ކޮންސްޓްރަކްޝަން ސެކްޓަރ އެޑްވައިޒަރީ ކޮމިޓީ" އަދި މަސްވެރިކަމާއި މެރިކަލްޗަރގެ ސިނާއަތް ދެމެހެއްޓެނެވި ގޮތެއްގައި ތަރައްޤީކޮށް ކުރިއެރުވުމަށް "ފިޝަރީޒް ސެކްޓަރ އެޑްވައިޒަރީ ކޮމިޓީ" އެވެ.

ފައިސަލް ސޯޝަލްމީޑިއާގައި ހިއްސާކުރެއްވި ޕޯސްޓުގައި ވިދާޅުވީ، ރާއްޖޭގެ އިޤުތިޞާދު ރަނގަޅު ކުރުމަށާއި ދަރަނި މެނޭޖު ކުރުމަށް މާލީ އިދާރާތަކުންނާއި މާލީ ދާއިރާގެ ތަޖުރިބާކާރުން ދޭ ލަފަޔާ މަޝްވަރާއަށް ސަރުކާރުން ޢަމަލު ނުކުރުމުގެ ނަތީޖާއަކީ، ރާއްޖޭގެ މާލީ ހާލަތު ގޯސްވެ ޒިންމާދާރު މަޤާމުތަކުގައި ތިއްބެވި ބޭފުޅުން އިސްތިއުފާ ދެއްވައި ގެއަށް ވަޑައިގެންނެވުން ނޫންގޮތެއް ނެތި އެގޮތަށް ޢަމަލު ކުރެއްވުމަށް މަޖުބޫރުވުންކަމަށެވެ.

ރައީސް ނަޝީދު ވިދާޅުވީ، ދަރަނީގެ މައްސަލައަކީ މިހާރު ޤައުމީ މައްސަލައަކަށް ވެފައިވާ ކަމަށެވެ. މިގޮތުން، ދިވެހީންނަށް އަނބުރާ ދެއްކުން ނުކުޅަދާނަވާ މިންވަރުގެ ބޮޑު އިންޓްރެސްޓުގައި ދަރަނި ނަގައި، އެ ފައިސާއިން ކުރާ ހަމައެކަނި ކަމަކީ ކުރީގެ ދަރަނި ދެއްކުން ކަމުގައިވެސް ރައީސް ނަޝީދު ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ޑރ ޒާހިރު ޙުސައިނާއި މިއަދު ބައްދަލުކުރައްވައި، އެމަނިކުފާނުގެ އިސްތިއުފާ ޤަބޫލުފުޅު ކުރައްވާފައެވެ. މިބައްދަލުކުރެއްވުމުގައި ރައީސުލްޖުމްހޫރިއްޔާ ވަނީ، ރާއްޖޭގެ ތަޢުލީމީ ދާއިރާގެ ކުރިއެރުމަށާއި ތަރައްޤީއަށް ވަރަށް އިޚުލާޞްތެރިކަމާއެކުގައި މިންނަތް މަސައްކަތްޕުޅުތައް ފާހަގަކުރައްވައި ޝުކުރު އަދާކުރައްވާފައެވެ،

ހުޅުމާލޭގެ ބައެއް މަގުތައް މައްޗަށާއި ދުވާރު މައްޗަށް އާއްމު ގޭބިސީތަކުން ކުނީގެ ގޮތުގައި ނެރެފައި ހުންނަ ފަރުނީޗަރާއި ހިފާ ގެންގުޅޭ ސާމާނު އަދި ދޮންނަމެޝިނާއި އައިސް އަލަމާރިފަދަ ތަކެތި އެޗްޑީސީން ނަގަމުން އަންނައިރު، އެޗްޑީސީގެ އޮފިޝަލަކުވެސް ވިދާޅުވީ، ވެމްކޯއަށް އެކަށީގެންވާ ގޮތުގައި ޚިދުމަތް ދެވޭ ކަމަށް ނުފެންނަ ކަމަށާއި، އަދި އާއްމުންވެސް ކުނިނެރުމުގައި އަމަލުކުރަމުން އަންނަ ގޮތުގެ ސަބަބުން އެންމެ ބޮޑު ބުރައެއް އުފުލަން ޖެހެނީ އެޗްޑީސީގެ މުވައްޒަފުންނަށް ކަމަށެވެ.

އެހާދިސާ ހިނގާފައިވާ ގޮތާއި ގުޅޭ ގޮތުން ފުލުހުން މީޑިއާތަކަށް ފޮނުވި މެސެޖުގައި ވިދާޅުވީ، އަމީން މިއާ ނިޔާވުމަށް މެދުވެރިވެފައިވަނީ 2026 ޖެނުއަރީ 26 ވަނަ ދުވަހުގެ މެންދުރުގެ ވަގުތެއްގައި ކުނި ޖަމާކޮށްފައިވާ ސައިޓްގެ ބައެއްގައި އެކްސްކެވޭޓަރަކުން ކުނި ނެގުމުގެ މަސައްކަތްކުރަނިކޮށް، އޭގެ ދަތްގަނޑުން ޖެހި ވެއްޓި، އެކްސްކެވޭޓަރުން ކުނިތައް އެތަނުގެ ކައިރިން އެހެން ދިމާލަކަށް ބަދަލުކުރުމުގެ ތެރޭގައި އެ މީހާގެ ހަށިގަނޑާއެކު ކުނިތައް ބަދަލުކުރެވި މީހާގެ ގައިމައްޗަށް ކުނިތަކެއް އެޅިގެން ހިނގި ހާދިސާއެއްގައި ކަމަށެވެ. ފުލުހުން ވިދާޅުވީ، ހާދިސާ ހިނގި ސަރަހައްދު ފެންނަ ސީސީޓީވީ ފުޓޭޖުން ފެންނަ ގޮތުގައި، އެކްސްކެވޭޓަރުގެ ދަތްގަނޑުން އަމީން މިއާ ގައިގައި ޖެހުނު ނަމަވެސް މެދުކެނޑުމެއް ނެތި، މަސައްކަތް ކުރިއަށް ގެންގޮސްފައިވާ ކަމަށެވެ.

އަލިފާނުގެ ހާދިސާ ހިނގާފައި ވަނީ 5 ވަނަ ޓަވަރުގެ އެތެރޭގައި ފާޚާނާތަކުން ވައި ދައުރުވާގޮތަށް ހަދާފައިވާ ވައިގޮޅީގެ ތެރޭގައެވެ. އަލިފާނުގެ ހާދިސާ ހިނގާފައި ވަނީ އެޓަވަރުގެ 9 ވަނަ ފަންގިފިލާ އާއި 14 ވަނަ ފަންގިފިލާ އާއި ދެމެދުން ވައިގޮޅީގައި ހަރުކޮށްފައިހުރި އޭސީ އައުޓްޑޯރ ޔުނިޓެއްގައި ރޯވެގެން ކަމުގައި ވަނީ ބެލެވިފައެވެ. އެހެން ނަމަވެސް އަލިފާން ރޯވާން ދިމާވި ސީދާ ސަބަބެއް މިހާތަނަށް އެނގިފައެއް ނުވެއެވެ.

އެންޑީއެމްއޭއިން ހާމަކުރައްވާފައިވާ ގޮތުގައި ރޭގެ އަލިފާނުގެ ހާދިސާ އާއި ގުޅިގެން އަލިފާންރޯވުމުގެ ސަބަބުން ގެއްލުން ލިބުނު އިމާރާތުގެ 3 އެޕާޓްމެންޓެއްގައި ދިރިއުޅޭ 25 މީހަަކަށް ވަނީ ކެއިން ބުއިމާއި ވަގުތީ ބޯހިޔާވަހިކަން ހަމަޖައްސައިދީފައެވެ. އެހާދިސާގައި ގެއްލުން ވެފައި ވަނީ ހުޅުމާލެ ޗަނބޭލީ ގޯޅީގައި ހުރި ލޮޓްނަމްބަރު 11154އަށެވެ. އެ ގޭގެ ކަރަންޓް ޕެނަލްބޯޑު ހަލާކުވެ 6 ބުރިއަށް ހުރި އެއިމާރާތުން ވަނީ ކަރަންޓް ކެނޑިފައެވެ.

އިނާޒު ވިދާޅުވީ، ދިވެހި ދައުލަތުގެ މާލީ ހާލަތު ކަންބޮޑުވާ މިންވަރަކަށް ދަށަށް ދާ ދަނޑިވަޅެއްގައި ސަރުކާރުން ހުށަހަޅާފައިވާ 2.4 ބިލިއަން ބޮންޑުގެ މައްސަލައިގައި ގިނަގުނަ މަޝްވަރާތަކުން ވެސް ދެމެހެއްޓެނިވި ހައްލެއް ހޯދުނުކަމަށް އޭނާއަށް ގަބޫލް ނުކުރެވޭ ކަމަށެވެ.

އެންމެ ފުރަތަމަ އަލިފާން ރޯވީ، ހުޅުމާލޭ ޗަނބޭލީ ފަސް ނަމްބަރު ގޯޅިތެރޭގައި ހުރި ލޮޓް ނަންބަރ 11154 ގޭގައި ހުރި ގުދަނެއްގެ ކުރިމަތީގައި ބަހައްޓާފައި ހުރި ކުނިތަކެއްގައި ކަމަށް އެމްއެންޑީއެފުން ވިދާޅުވިއެވެ. އަދި ގުދަނުގެ ބިއްލޫގަނޑު ތަޅައިގެންގޮސް ގުދަނުގެ ތެރެއަށް އަލިފާންގަނޑު ފެތުރި އެތަނުގައި ހުރި މުދަލަށާއި އިމާރާތުގެ ކަރަންޓު ވަޔަރިންގއަށް ވަނީ ވަރަށް ބޮޑަށް ގެއްލުން ލިބިފައިވާ ކަމުގައި އެމްއެންޑީއެފުން ވިދާޅުވިއެވެ.

އެކޮމިޝަނުން ވިދާޅުވީ، އެއީ މި ކޮމިޝަނުން ފޯރުކޮށްދެމުންދާ ޚިދުމަތްތައް ލުއިފަސޭހަކަމާއެކު ޢާންމުންނަށް ފޯރުކޮށްދިނުމަށްޓަކައި ކޮމިޝަނުގެ ޚިދުމަތްތައް ޑިޖިޓަލައިޒްކުރުމަށް ކުރެވުނު މަސައްކަތުގެ ބައެއް ކަމަށެވެ. އެގޮތުން މައި ޕޯޓަލް މެދުވެރިކޮށް ފޯމު ހުށަހެޅުމުގެ މި އައު ނިޒާމަށް ރައްޔިތުންގެ އިތުބާރުލިބި، އާންމުންގެ ފަރާތުން ބޮޑު ތަރުހީބެއް ލިބެމުންދާކަމުގައިވެސް އިލެކްޝަންސް ކޮމިޝަނުން ވަނީ ވިދާޅުވެފައެވެ.

އަދާލަތުޕާޓީގެ އިންތިޚާބުގެ ނަތީޖާ އިއުލާނު ކުރި އިރު، ހަމައެކަނި ހާމަކޮށްފައި ވަނީ ވޯޓުގެ އިންސައްތައެވެ. ވޯޓުލީމީހުންގެ އަދަދެއް އެޕާޓީން ހާމަކޮށްފައެއް ނުވެއެވެ. އަދާލަތު ޕާޓިގެ ރައީސް ކަމުގެ މަޤާމަށް ހުޅުވާލެއްވުމުން ކުރިމަތި ލެއްވީ ދެބޭފުޅުންނެވެ. އެއީ ޝައިހް މުހައްމަދު ޝިފާނާއި، އަލްއުސްތާޛު އިކްރާމް ޢަބްދުއްސައްތާރެވެ. އިންތިޚާބުގައި އިކްރާމަށް ލިބިޑައިގެންނެވީ އެއްޕަސެންޓް ވޯޓެވެ. އިކްރާމް ވަނީ، އިންތިޚާބު ބޭއްވުމުގެ ކުރިން އިންތިޚާބު ބޮއިކޮޓް ކުރައްވައި ނަން އަނބުރާ ގެންދަވާފައެވެ،

އިލެކްޝަންސް ކޮމިޝަނުން ހާމަކުރައްވާފައިވާ ގޮތުގައި، ހޮނިހިރު ދުވަހުގެ ރޭގެ 8:00 އާއި ހަމައަށް، ޖުމްލަ3،498 ފަރާތަކުން ވަނީ ކެންޑިޑެންސީ ހުށައަޅާފައެވެ. އޭގެ ތެރޭގައި، ހިމެނެނީ، ލޯކަލް ކައުންސިލް އިންތިޚާބުގައި ވާދަކުރުމަށް ކެންޑިޑެންސީ ހުށައެޅި، 1،914 މީހުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައި ވާދަކުރުމަށް ކެންޑިޑެންސީ ހުށައެޅި 1،585 މީހުންނެވެ.

ކޮންމެ އަހަރެއްގެ ރަމަޟާން މަހާ ދިމާކޮށް ކުރިއަށް ގެންދާ މި ހަރަކާތް، މިފަހަރު ކުރިޔަށް ގެންދިޔުމަށް ހަމަޖައްސާފައި ވަނީ، ޖެނުއަރީ 31 އިން ފެބްރުވަރީ 7ވަނަ ދުވަހުގެ ނިޔަލަށް ކަމުގައި އެމްއެންޑީއެފުން ވަނީ ހާމަކުރައްވާފައެވެ. އަދި މިހަރަކާތްތައް އެމްއެންޑީއެފުގެ ހުރިހާ އޭރިއާ ކޮމާންޑެއްގައިވެސް ކުރިޔަށް ދާނެ ކަމުގައި އެމްއެންޑީއެފުން ވަނީ ވިދާޅުވެފައެވެ.

ހުކުރު ދުވަހު އިރު އޮއްސުނު ވަގުތު ހިޔާގެ 5 ވަނަޓަވަރުގައި އަލިފާން ރޯވީ ވައިގޮޅިތެރޭގައެވެ. އެކަމުގެ ސަބަބުން އެޓަވަރުގެ އެވައިގޮޅިއާއި ގުޅިފައި ހުރި ކޮޓަރިތަކުގެ ފާޚާނާތަކުގެ ކުޑަދޮރުތައް ތަޅައިގެން ދިޔައިރު، ވައިގޮޅީގައި ހުރި އޭސީ އައުޓްޑޯ ޔުނިޓްތަކުގައި ރޯވެ، އެޕާޓްމަންޓްތަކުގެ ފާޚާނާތަކުގެ މައިހޮޅިތައްވެސް ހަލާކުވިއެވެ.

މިހާދިސާ އާއި ގުޅިގެން އެޓަވަރުގެ ހުރިހާ ފްލޯއެއްގެވެސް 5 ވަނަ އެޕާޓްމެންޓުގެ ހޮޅިލައިންތަކަށް ވަނީ ގެއްލުން ލިބިފައި ކަމުގައި މައުލޫމާތު ލިބިފައި ވެއެވެ. އަލިފާނުގެ ހާދިސާ ހިނގާފައި ވަނީ، އެ ޓަވަރުގެ 14 ވަނަ ފްލޯގެ 5 ވަނަ އެޕާޓްމެންޓާއި ހިސާބުގައި ވައިގޮޅިތެރޭގައި ހުރި އޭސީ އައުޓްޑޯރ ޔުނިޓެއްގައި ރޯވެގެންނެވެ.

އޭނާ ނިޔާވީ، އެކްސިޑެންޓާއި ގުޅިގެން ލިބުނު ޒަޚަމްތަކަށް ފަރުވާދެމުން އަންނަނިކޮށް މިއަދު އެވެ. އޭނާގެ ޖަނާޒާ ބާއްވާފައި ވަނީ މިއަދުގެ އަސުރު ނަމާދަށްފަހު މާލޭ އާސަހަރާގައެވެ.

ނ. އަތޮޅުގެ ދިގުފަރު ފަޅާއި، ދެކުނުފަރު އަދި ކުރަމާދޫ ހިމެނޭ ސަރަހައްދުގައި ކުރިއަށްގެންދިޔުމަށް ހަމަޖެހިފައިވާ މި މަޝްރޫއުގެ ހުއްދަ ކްރިސްޓަލް ހޯލްޑިންގްސް ޕްރައިވެޓް ލިމިޓެޑާ ރަސްމީކޮށް ހަވާލުކުރީ މިދިޔަ އަހަރުގެ ޑިސެމްބަރު 11 ގައެވެ.

ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން މިއަދު ބޭއްވި ބައްދަލުވުމުގައި ބާރަށު ދާއިރާގެ މެންބަރު އިބްރާހިމް ޝުޖާއު ހުށައެޅުއްވީ މިބިލާއި ގުޅޭގޮތުން ސިޔާސީ ޕާޓީތަކާއި އިލެކްޝަންސް ކޮމިޝަން އަދި ބަންޑާރަނައިބުގެ އޮފީހާ އެކު މަޝްވަރާކުރުމަށް ވަކިވަކިން ބައްދަލުވުންތަކެއް ބޭއްވުމަށެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި، މި 15 މީހުން އިމިގްރޭޝަންގެ ބެލުމުގެ ދަށަށް ގެންގޮސްފައި ވަނީ، 2026 ޖެނުއަރީ 28 ވަނަ ދުވަހު ދިވެހި ފުލުހުންގެ ޚިދުމަތާއި، މޯލްޑިވްސް އިމިގްރޭޝަން އަދި މިނިސްޓްރީ އޮފް އިކޮނޮމިކް ޑިވެލޮޕްމަންޓް ގުޅިގެން މާލޭގައި ކުރިއަށް ގެންދިޔަ ޖޮއިންޓް އިންސްޕެކްޝަނެއްގައެވެ.