ވިކުރާ

އާއްމުގެ ޝަކުވާތަކަށް ޖަވާބުދީ، ބީއެމްއެލްއިން ސޯޝަލް މީޑިއާގައި ކޮށްފައިވާ ޕޯސްޓްގައި ބުނެފައި ވަނީ، ޑެއިލީ ލިމިޓްގައި ސަބްސްކްރިޕްޝަންސްތައް ހިމަނާފައި ނުވާކަމަށާއި، ސަބްސްކްރިޕްޝަން ޕޭމަންޓް ނުދެއްކޭނަމަ ބޭންކަށް އެކަން ޙިއްޞާކުރުމުން އެކަން ހައްލުކޮށްދޭނެ ކަމަށެވެ.

މިޖޫން މަހުގެ ފުރަތަމަ ދުވަނު އެކުންފުނީގެ ސީއީއޯ ކެޕްޓަން ޙުސައިން ޝަފީޤު، ކުންފުނީގެ ހުރިހާ މުވައްޒަފުންނަށް ފޮނުވާފައިވާ އިންޓަރނަލް މެމޯގައި ބުނެފައި ވަނީ، އެ ކުންފުނި "ރައިޓް ސައިޒް" ކުރުމުގެ މަސައްކަތް ކުރިޔަށް އޮތް 3 މަސް ދުވަހުގެ ތެރޭގައި ކުރިޔަށް ދާނެ ކަމަށެވެ.

ބައިވެރިވުމަށް އެދި ހުށަހެޅުމުގެ އާ ސުންގަޑިއަކީ 6 ޖޫން 2026 އެވެ. މި އެކްސްޕޯ ބޭއްވުމަށް ހަމަޖެހިފައިވަނީ ޖުލައި މަހުގެ 2 އިން 4 އަށް، ހުޅުމާލެ ސެންޓްރަލް ޕާކުގައެވެ.

ފިޗުން ރާއްޖޭގެ ކްރެޑިޓް ރޭޓިންގ މަތިކުރުމަކީ، ހޯދުނު ބޮޑު ކާމިޔާބީއެއްގެ ގޮތުގައި ސަރުކާރުން ވަނީ ފާހަގަކޮށްފައެވެ. އަދި އެއީ ރާއްޖޭގައި އިންވެސްޓްކުރުމަށް ޝައުޤުވެރިވާ ބޭރުގެ ފަރާތްތަކަށް ލިބިގެން ދިޔަ ވަރަށް ބޮޑު އިތުބާރެއްކަންވެސް ސަރުކާރުން ފާހަގަކޮށްފައި ވެއެވެ.

ޖަލަށް އާއިލީ ބައްދަލުވުމަށް ދާ މީހުންނަށާއި، ޖަލުގެ ގައިދީންނަށް ހުޅުވާފައިވާ އެފިހާރައިގައި ކާބޯތަކެއްޗާއި ރީތިވާ ސާމާނުފަދަ އަސާސީ ތަކެތި ލިބެން ނެތުމުގެ ޝަކުވާ އިއްޔެ ވަނީ މީހަކު ސޯޝަލް މީޑިއާއަށް ފެންމަތިކޮށްފައެވެ. އޭނާ ވަނީ، ފިހާރައިގެ ހަރުތައް މުޅިން ހުސްކޮށް ހުރި ވީޑިއޯއެއްވެސް އާއްމުކޮށްފައެވެ.

އެ އެއްބަސްވުމުގެ ކޮޕީއެއް ހޯދުމަށް މައުލޫމާތު ހޯދައި ލިބިގަތުމުގެ ޙައްޤުގެ ދަށުން އަމިއްލަ ފަރާތަކުން ހުށައެޅި، އާރްޓީއައިއަށް، އެޗްޑީސީން ދީފައިވާ ޖަވާބުގައި ބުނެފައި ވަނީ، އެދިފައިވާ މައުލޫމާތަކީ، މައުލޫމާތު ހޯދައި ލިބިގަތުމުގެ ޤާނޫނުގެ ދަށުން ދޫކުރެވެން ނެތް މައުލޫމާތެއް ކަމަށެވެ.

އާއިލީ ބައްދަލުވުމަކަށް، ޖަލަށް ޒިޔާރަތްކުރި ފަރާތަކުން ވަނީ، އެކަމުގެ ކަންބޮޑުވުން ސޯޝަލް މީޑިއާގައި ފާޅުކޮށްފައެވެ. އާއިލީ ބައްދަލުވުންތަކަށް ޖަލަށް ޒިޔާރަތް ކުރާ ފަރާތްތަކަށް، ކާބޯތަކެތި ނުވެއްދޭ އިރު އެފަދަ ތަކެތި ގަންނަން ޖެހެނީ އެ ފިހާރައިންނެވެ. އެހެން ނަމަވެސް ކަންބޮޑުވުން ފާޅުކުރި ފަރާތުން ވަނީ، ފެންފުޅިއެއް ފިޔަވައި އެހެން އެއްވެސް އެއްޗެއް ނެތްކަމުގެ ކަންބޮޑުވުން ފާޅުކޮށްފައެވެ. އަދި އެފިހާރައިގެ ހުސްރެކްތައް ފެންނަ ވީޑިއޯއެއްވެސް ސޯޝަލް މީޑިއާގައި ވަނީ ހިއްސާކޮށްފައެވެ.

މިއަދު ބޭއްވި ނޫސްވެރިންގެ ބައްދަލުވުމުގައި، ފަތުރުވެރިކަމާއި މަދަނީ އުދުހުންތަކާ ބެހޭ ވަޒީރު، މުޙައްމަދު އަމީން ވިދާޅުވީ، މާރިޗު މަހާއި އޭޕްރީލް މަހު ރާއްޖެއަށް ފަތުރުވެރިން އަންނަ އަދަދު ދަށަށް ދިޔަ ކަމަށެވެ. މިގޮތުން މާރިޗު މަހު އެނިސްބަތް 22.5 އިންސައްތައަށް ދައްވިއިރު، އޭޕްރީލް މަހު އެނިސްބަތް 26.5 އިންސައްތަ ދަށްވިއެވެ. މޭމަހުގެ މިހިސާބައަށް ބަލާއިރު، ފަތުރުވެރިން ރާއްޖެއަށް އަންނަ އަދަދު ދަށަށް ގޮސްފައި ވަނީ 8.9 އިންސައްތައަށް ކަމުގައި މިނިސްޓަރ އަމީން ވިދާޅުވިއެވެ.

އެޗްޑީސީން ހުޅުމާލެ އާއި ކުޑަގިރިއާ ދެމެދު ދެމުން އަންނަ އާއްމު ފެރީ ޚިދުމަތް މެދުކަނޑާލިއިރު، ބުރާސްފަތި ދުވަހު ވަނީ، ފެރީ ދޯންޏެއް އެކްސިޑެންޓްވެ ކުޑަކުދިންތަކަކަށް އަނިޔާވެސް ވެފައެވެ. ބުރާސްފަތި ދުވަހުގެ އެހާދިސާ އާއި ގުޅިގެން އެޗްޑީސީން އެއްވެސް ތަފްސީލެއް ހާމަކޮށްފައެއް ނުވެއެވެ.

ފުލުހުންގެ އިދާރާއިން ނެރުނު ނޫސްބަޔާނެއްގައި ވިދާޅުވީ، މިހާރަކަށް އައިސް ސޯޝަލް މީޑިއާގެ އެކި ޕްލެޓްފޯމްތަކުގައި، ހާއްސަކޮށް ޓިކްޓޮކް އަދި ޓެލެގްރާމް މެދުވެރިކޮށް، އަމިއްލަ ފަރާތްތަކުގެ ބޭންކް އެކައުންޓްތައް "ކުއްޔަށް" ނުވަތަ އެކައުންޓްގެ ކޮންޓްރޯލް ދިނުމުން އުޖޫރައެއް ނުވަތަ "ދުވަހު މުސާރައެއް" ދޭނެކަމަށް ބުނެ ކުރާ އިޝްތިހާރުތައް އިތުރުވަމުންދާކަން ދިވެހި ފުލުހުންގެ ޚިދުމަތަށް ވަނީ ފާހަގަކުރެވިފައިވާ ކަމަށެވެ.

ރައީސުލްޖުމްހޫރިއްޔާ ވިދާޅުވީ، ސްރީލަންކާގައި ބީއެމްއެލްގެ ބުރާންޗެއް ޤާއިމުކުރުމުގެ މަސައްކަތް ބީއެމްއެލްއިން ކުރަމުން އަންނަ ކަމަށާއި، އެބުރާންޗު ސްރީލަންކާގައި ހުޅުވޭނެ ކަމުގެ ވަރަށް ބޮޑު އުއްމީދެއް ލިބިފައިވާ ކަމަށެވެ. އެހެން ނަމަވެސް ބޭންކުގެ ބުރާންޗު ހުޅުވޭނެ ދުވަހެއް އެމަނިކުފާނު ވިދާޅެއް ނުވެއެވެ. އެހެން ނަމަވެސް ވަރަށް ކައިރި މުސްތަޤުބަލެއްގައި އެކަން ހަމަޖެހިގެންދާނެ ކަމުގައި ރައީސުލްޖުމްހޫރިއްޔާ ވިދާޅުވިއެވެ.

މުޙައްމަދު އަނަސް އަކީ މީގެ ކުރިންވެސް ސަރުކާރުގެ މާލީ އިދާރާތަކުގައި އިސްމަޤާމުތަކެއް ފުރުއްވާފައިވާ ބޭފުޅެކެވެ. ޕީސީބީން އޭނާ އިސްތިއުފާ ދެއްވި އިރު، އެމަޤާމުން އިސްތިއުފާ ދެއްވި ސަބަބެެއް ހާމަކުރައްވާފައެއް ނުވެއެވެ.

ޝަރީފް ވިދާޅުވީ، އެނިންމުން ނިންމާފައި ވަނީ އިއްޔެ ބޭންކުގެ ބޯޑުން ކަމަށެވެ. މިއާައި އެކުގައި، ގެދޮރުގަތުމާއި އެހެނިހެން ވިޔަފާރި ބޭނުމަށް ލޯނާއި ފެސިލިޓީތައް ހޯދުމަށް، ފަސޭހަވެގެންދާނެކަމުގައިވެސް ޝަރީފް ވިދާޅުވިއެވެ.

ބޮޑުކަންނެލި މަސްވެރިންގެ ޔޫނިއަންއިން ހާމަކޮށްފައިވާ ގޮތުގައި، ސަރުކާރުން އަގުހެޔޮކޮށް ވިއްކާތެޔޮ ވިއްކަމުން އަންނަނީ ކަންނެލި އޮޑިފަހަރާއި، ކަޅުބިލަމަހުގެ މަސްވެރިކަން ކުރާ އޮޑިފަހަރަށް ދެ އަގެއްގައެވެ. ބޮޑު ކަންނެލި މަސްވެރިކަން ކުރާ އޮޑިފަހަރަށް ތެޔޮވިއްކަނީ އަގު ބޮޑުކޮށެވެ. މިގޮތުން ކަންނެލި މަސްވެރިންނަށް. ޑީސަލް ލީޓަރެއް ވިއްކަނީ 19.32ރ އެވެ. މިއަގުގައި ތެޔޮވިއްކަނީ ހުޅުމާލެ އެފްއެސްއެމް ޖެޓީ އިންނާއި، ކ. ހިންމަފުށިންނެވެ.

އެމްޓީސީސީން އެކުންފުނީގެ ސޯޝަލްމީޑިއާ އެކައުންޓްތަކުގައި ހާމަކޮށްފައިވާ ގޮތުގައި، މާލޭ ޓެކްސީ ޚިދުމަތް ހޯދުމަށް ބޭނުންވާ ފަރާތްތަކަށް އެވެބްސައިޓް މެދުވެރިކޮށް ދަތުރު ބުކްކޮށް އަދި، ފައިސާ ދެއްކޭނެ ކަމަށެވެ. ވެބްސައިޓްގެ އިތުރުން، މާލެ ޓެކްސީއަށް ޚާއްޞަކޮށްފައިވާ ހޮޓްލައިނަށް ގުޅައިގެންވެސް ކުރިއެކޭ އެއްގޮތަށް ޓެކްސީ ބުކް ކުރެވޭނެ ކަމުގައި އެމްޓީސީސީން ހާމަކޮށްފައި ވެއެވެ.

މި ހަރަކާތަކީ ރާއްޖޭގައި ހިންގާ ކުންފުނިތަކާއި، މުއައްސަސާތަކާއި އަދި ޖަމިއްޔާ ޖަމާއަތްތަކަށް ޚާއްސަކޮށްގެން ފަރުމާކޮށްފައިވާ، ކޮންމެ ޓީމެއްގައި 5 ދުވުންތެރިން ހިމެނޭ، ކޮންމެ ދުވުންތެރިއަކު 1 ކިލޯމީޓަރު ދުވަންޖެހޭ ރިލޭ ރޭހެކެވެ. މި ރޭހަކީ ކުޅިވަރުގެ ވާދަވެރިކަމާއި ކޯޕަރޭޓް ވަކިވަކި ސިފަތައް އެކުލެވޭ، ޓީމް ރޫހު ވަރުގަދަކުރުމަށާއި ދުޅަހެޔޮ ދިރިއުޅުމަކަށް ބާރުއެޅުމަށް ލިބޭ ފުރުސަތެކެވެ.

އެސްޑީއެފްސީން ޓެކްސީ ނަފާ ލޯނު، ދޫކުރި މީހުންގެ ތެރެއިން ބައެއް މީހުން، ރައްޔިތުންގެ ނޫހަށް ޙިއްޞާކޮށްފައިވާ މައުލޫމާތަށް ބަލާއިރު، އެސްޑީއެފްސީން ވަނީ، ކާރއެމްވީއަށް، ޓެކްސީ ނަފާލޯނުގެ 6 މިލިޔަނަށްވުރެ ގިނަ ރުފިޔާ ދޫކޮށްފައި ކަމަށް ބެލެވެއެވެ.

މޯލްޑިވިއަންގެ ޓިކެޓްތަކުން ފިއުލްސަރޗާޖު އެންމެ ބޮޑުކޮށްފައި ވަނީ ޗައިނާގެ މަންޒިލްތަކަށް ކުރާ ދަތުރުތަކަށެވެ. މިގޮތުން ޗެންޑޫއަށް ކުރާ ދަތުރުތަކަށް ނަގާ ފިއުލްސާޗާޖު ވަނީ، 260 ޑޮލަރަށް ބޮޑުކޮށްފައެވެ. އަދި ބެއިޖިންގއަށް ކުރާ ދަތުރުތަކަށް ނަގާ ފިއުލްސާޗާޖު ވަނީ 320 ޑޮލަރަށް ބޮޑުކޮށްފައެވެ.