ރާއްޖެ

ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ ސިޓީފުޅުގައި ވާގޮތުން، އެ ބޭސް ރާއްޖޭގައި ހުއްދަ ކުރުމަށް ވަޒީރުންގެ މަޖިލީހުގައި މަޝްވަރާކުރުމަށްފަހުގައި ވަނީ ނިންމާފައެވެ. މިހާތަނަށް އެބޭސް ހިމަނާފައި އޮތީ ރާއްޖެ އެތެރެކުރުން މަނާކޮށްފައިވާ މަސްތުވާ ބޭހެއްގެ ގޮތުގައި، މަސްތުވާތަކެއްޗާއި ބެހޭ ޤާނޫނުގެ ދަށުން އެކުލަވާލާފައިވާ ލިސްޓުގައެވެ. އެލިސްޓަށް އުނި އިތުރު ގެނެވޭނީ، ރައްޔިތުންގެ މަޖިލީހުން ރުހުންލިބިގެންނެވެ.

އެމަޤާމަށް މިއަދު ހަމަޖައްސަވާފައި ވަނީ، އަލްފާޟިލާ އާމިނަތު ޝިރުނާއެވެ. އޭނާ އެމަޤާމަށް ޢައްޔަނުކުރެއްވިކަން ސަރުކާރުން ހާމަކުރައްވާފައި ވަނީ މިއަދުއެވެ.

މި ރަސްމިއްޔާތަށްފަހު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވަނީ ސްރީލަންކާގެ ރައީސާއެކު ރަސްމީ ފޮޓޯއެއް ނަންގަވައި، ޢިއްޒަތްތެރިން ސޮއިކުރައްވާ ފޮތުގައި ސޮއިކުރައްވާފައެވެ.

އެމްޑީޕީން ހާމަކޮށްފައިވާ ގޮތުގައި، ޗެއަރޕަރސަން ހޮވުމަށް ބާއްވާ އިންތިޚާބުގައި ވޯޓުލުމަށް ހުޅުވާލި ފުރުޞަތުގައި 3 ފަރާތަކުން ވަނީ ކުރިމަތިލާފައެވެ. އޭގެ ތެރޭގައި ހިމެނެނީ އެމްޑީޕީގެ ތެރޭގައި އެންމެ މަޤުބޫލު މީހުންގެ ތެރޭގައި ހިމެނޭ ދެ ބޭފުޅަކާއި، އާއްމު މެމްބަރުންގެ ތެރެއިން ބޭފުޅެކެވެ.

މީޑިއާ ވިލެޖުގެ މަސައްކަތް ނިމި ދާދިއަވަށް އެތަން ހުޅުވޭނެ ކަމުގައި ރައީސް ވިދާޅުވި އިރު، ވެރިކަމަށް ހޮވިވަޑައިގެން ބޭއްވި ނޫސްވެރިންގެ ގުންޒަރުގައިވެސް އެ މަސައްކަތް ވަރަށް ބާރަށް ކުރިޔަށް ގެންދަވާނެ ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ކެނޑިޑެންސީ ހުށައެޅުމަށް ދިން އިތުރު މުއްދަތުވެސް އިއްޔެ ހަމަވި އިރު، އެ ދާއިރާގެ ބައި އިލެކްޝަންގައި ވާދަކުރުމަށް ހުށައަޅާފައި ވަނީ އެމްޑީޕީންނާއި، ވެރިކަންކުރާ ޕާޓީ ޕީއެންސީންނެވެ.

ރައީސުލްޖުމްހޫރިއްޔާގެ ޚިޠާބުގައި ވިދާޅުވީ، އިންސާނީ ޙައްޤުތަކާއި، ދެމެހެއްޓެނިވި ތަރައްޤީއާއި އަދި ސުލްހަމަސަލަސްކަން ދެމިއޮތުން ގުޅިފައިވަނީވެސް ނޫސްވެރިކަމުގެ މިނިވަންކަމުގެ މައްޗަށް ކަމަށެވެ. އެހެންކަމުން، ދުނިޔޭގެ ނޫސްވެރިކަމުގެ މިނިވަންކަމުގެ މި ދުވަހު، ނޫސްވެރިންގެ ޙައްޤުތައް ރައްކާތެރިކޮށް، ޙަޤީޤަތާ އެއްގޮަތަށް ލިޔާ އަދި ތެދު ބުނާ މީހުންގެ ރައްކާތެރި ވެށްޓެއް ބިނާކުރުމުގެ ޢަޒުމު ކަނޑައެޅުއްވުމަށް ރައީސުލްޖުމްހޫރިއްޔާ ވަނީ އެދިވަޑައިގެންފައެވެ.

ފުލުހުން އޭނާ ހުއްޓުވައި ބަލައިފާސްކޮށް ހައްޔަރުކޮށްފައި ވަނީ، އިއްޔެ މާފުށީ ޖަލުގެ ގޭޓުކައިރިން ކަމުގައި ފުލުހުންގެ އިދާރާއިން ވިދާޅުވިއެވެ. ފުލުހުންގެ އިދާރާއިިން ވިދާޅުވީ، އޭނާ ހައްޔަރުކޮށް ބަލައިފާސްކުރިއިރު 17 ސްމާޓް ފޯނާއި، 35 ޗާޖިންގ ކޭބަލާއި، 29 ޖޮއިންޓާއި، އެޑަޕްޓަރަކާއި، ހަތަރު ކައްޓާއާއި، ޕެން ޑްރައިވްގެ އިތުރުން އެހެނިހެން ތަކެތި އޭނާގެ އަތުން ފެނިފައިވާ ކަމަށެވެ.

އިލެކްޝަންސް ކޮމިޝަންގެ ނައިބު ރައީސް ޞަލާޙް ރަޝީދު ވިދާޅުވީ، ކޮމިޝަންގެ ރައީސްގެ މަޤާމުން ޒާހިދު އިސްތިއުފާ ދެއްވިކަން މިއަދު އަންގަވާފައިވާ ކަމަށާއި، ސަބަބެއް ވިދާޅުވެފައި ނުވާކަމަށެވެ.

މިސަރުކާރުން ސަރުކާރުގެ ކުންފުނިތަކާއި ސިޔާސީ މަޤާމުތަކަށް ޢައްޔަނުކޮށްފައިވާ މުވައްޒަފުންގެ އަދަދުތައް ހާމަނުކުރި ނަމަވެސް އަލަށް 23000ވުރެ ގިނަ ވަޒީފާ އުފައްދާފައިވާކަމުގައި ރައީސުލްޖުމްހޫރިއްޔާ ވިދާޅުވުމުން، އެވަޒީފާތަކުގެ ބޮޑު އިންސައްތައަކީ، ސަރުކާރާއި ސަރުކާރުގެ ކުންފުނިތަކަށް ނަގާފައިވާ މުވައްޒަފުންކަން އަންދާޒާކުރެވެއެވެ. މިސަރުކާރު އައިފަހުން، ސަރުކާރު ހިއްސާވާ ކުންފުނިތަކުން މުސާރައަށް ކުރަމުން އައި ހޭދަ އެތައް ގުނައެއް އިތުރުވެެގެން ދިޔުމަކީ ކުންފުނިތަކަށް އެތައްހާސް މުވައްޒަފުންނެއް ނަގާފައިވާކަން ހާމަވާ ކަމެއް ކަމުގައި އިދިކޮޅު ސިޔާސީ ފަރާތްތަކުން ބުނެފައި ވެއެވެ.

ރައީސުލްޖުމްހޫރިއްޔާގެ ޚިޠާބުގައި ވިދާޅުވީ، ކާބަފައިން ބިނާކުރި ދިވެހިވަންތަ ޙަޟާރަތުގައި މަސައްކަތްތެރިކަމާއި ހުނަރުވެރިކަމާއި މުރާލިކަމުގެ އެތައް ހާސް ނަމޫނާއެއް ފެންނާން އެބަހުރި ކަމަށެވެ. އަދި ޒަމާނުގެ އޮއިވަރަށް މިއައި ބަދަލުތަކާއި، ދަރުތުފަތުރާއި މުވާޞަލާތު މިދެކޭ ހަލުވި ގުޅުންތަކާއެކު، އުފެއްދުންތެރި، މަސައްކަތްތެރި، ވަރުގަދަ އިޤްތިޞާދެއްގެވެރި ބައެއްގެ ގޮތުގައި ދިވެހީން ދެމިތިބުމަކީ، ޤައުމުގެ މިނިވަންކަމާއި ސިޔާދަތު ޙިމާޔަތްކޮށް ދެމެހެއްޓުމަށް މުހިންމު ރުކުނެއް ކަމުގައިވެސް ރައީސުލްޖުމްހޫރިއްޔާ ފާހަގަކުރައްވާފައިވެއެވެ.

މިސަރުކާރުގެ ސިޔާސީ މުވައްޒަފުންގެ އަދަދަކީ ކޮބައިތޯ ކުރި ސުވާލަށް ޖަވާބު ނުދީ އެތައް ވާހަކައެއް ދެއްކެވުމާއިއެކު، ސިޔާސީ މުވައްޒަފުންގެ އަދަދު 700 ގައި ހިފެހެއްޓުމަކީ ރިޔާސީ ވަޢުދެއް ނޫންކަމުގައިވެސް މުންދު ވިދާޅުވިއެވެ.

މިއީ، ވިޔަފާރި އާއި ހިންގުމުގެ ދާއިރާއިން މަތީ ތަޢުލީމާއި ތަޖުރިބާ ހާސިލުކުރައްވާފައިވާ މުޙައްމަދު ނިޒާރު، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސްކަމަށް ޢައްޔަންކުރެއްވި ދެވަނަ ފަހަރުކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވެއެވެ. ރައީސް ޔާމީނުގެ ދައުރުގައި ޕީސީބީގެ ރައީސަކަށް ޢައްޔަނުކުރެއްވި، ނިޒާރު 2014 ވަނަ އަހަރުން ފެށިގެން 2019 ވަނަ އަހަރާ ހަމައަށް އެ ބޯޑުގެ ރައީސްގެ މަގާމުގަ ފުރުއްވާފައި ވެއެވެ.

ޝިނާން ކުރެއްވި ޕޯސްޓުގައި ވިދާޅުވީ، ޕްރައިމަރީ ކާމިޔާބުކޮށް އޭނާއަށް ޕާޓީގެ ޓިކެޓް ލިބުނު ނަމަވެސް، އެޓިކެޓް ދޫކޮށްލެއްވުމަށް ނިންމެވީ، މިދިޔަ 3 ދުވަހު ދާއިރާގެ ވަރަށް ގިނަ އަދަދެއްގެ ރައްޔިތުންނާއެކު ގާތުން ކުރެވުނު މަޝްވަރާތަކާއެކު މިފަހަރު މިގޮނޑި ޕާޓީއަށް ކާމިޔާބުވާން އެންމެ ފަހި ވާނީ އޭނާ ފަހަތަށްޖެހި އެހެން އައު ބޭފުޅަކަށް ފުރުޞަތު ދީގެން ކަމަށް ފެންނާތީކަމަށެވެ.

އެމްއެންޑީއެފުން ހާމަކުރައްވާފައިވާ ގޮތުގައި، މި ހާދިސާގެ މަޢުލޫމާތު މިއަދު 08:20 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުމާ އެކު، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައެވެ.

އެމައްސަލައަކީ، ރައްޔިތުންގެ މަޖިލީހުގެ މެމްބަރަކު، އެ މެމްބަރަކު ނިސްބަތްވާ ސިޔާސީ ޕާޓީއަކުން ވަކިކޮށްފިނަމަ، ގޮނޑި ގެއްލޭ ގޮތަށް، ޤާނޫނު އަސާސީގެ 73 ވަނަ މާއްދާއަށް ގެނެސްފައިވާ އިސްލާޙަކީ ބާޠިލް އިސްލާޙެއް ކަމަށް ކަނޑައަޅައި ދިނުމަށް އެދި، ޤާނޫނީ ވަކީލު އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު، ޢަލީ ޙުސައިން ހުށައަޅުއްވާފައިވާ މައްސަލައެކެވެ.

މާލެ ސަރަހައްދަށް ވިދައި ވަރަށް ބާރަށް ގުގުރަމުންދާއިރު، 12 ޖެހުމާއި ގާތްވެފައި ވަނިކޮށް ޖެހި ހޮނުގުގުރިއެއްގައި، ހިޔާގެ ބައެއް ޓަވަރުތަކުން ކަރަންޓްވެސް ކެނޑުނެވެ. މީގެ އިތުރުން ގުގުރީގެ އަޑާއިއެކު މަގުމަތީގައި ހުންނަ ސައިކަލްތަކަށް ލޮޅުން އަރައި، ސައިކަލްތަކުންވެސް އެލާމްއަޅަމުންދާ މަންޒަރު ވަނީ ފެނިފައެވެ.

މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފައި ވަނީ، މިރޭގެ 23:00 އިން ފެށިގެން ފަތިހު 5:00އަށެވެ. ވައިޓް އެލާޓް ނެރެފައި ވަނީ، ޅ އަތޮޅުންފެށިގެން އައްޑުއަތޮޅާއި ދެމެދުގެ ހުރިހާ އަތޮޅަކަށެވެ. މޫސުމާއި ބެހޭ ޤައުމީ އިދާރާއިން ވިދާޅުވީ، މިހާރު ކުރަމުން އަންނަ ވިއްސާރައިގައި ބޯކޮށް ވެހުމާއި އެކު ވިދައި ގުގުރާނެ ކަމަށެވެ.

އިލެކްޝަންސް ކޮމިޝަނުން ފޮނުވި ސިޓީގައި ވަނީ، ޤާނޫނުތަކާއި ގަވާއިދުތަކުގެ ހުދޫދުގެ ތެރެއިން ސިޔާސީ ޙަރަކާތްތައް ކުރިއަށް ގެންދިޔުމަށް ޕާޓީތަކަށް އަންގާފައެވެ. އިލެކްޝަންސް ކޮމިޝަނުން މިއަދު ފޮނުވި ސިޓީގައި، ސިޔާސީ ޕާޓީތަކުން ކުރިއަށް ގެންދާ ސިޔާސީ ޙަރަކާތްތައް ހިންގަންވާނީ ޞުލްޙަވެރިކަމާއެކު އެއްވެއުޅުމުގެ މިނިވަންކަމުގެ ޤާނޫނު ގައި ބަޔާންކޮށްފައިވާ ގޮތުގެމަތިން ކަމަށް ބަޔާންކޮށް، އެ ދެޕާޓީން މިދުވަސްވަރު ހިންގަމުންދާ ޙަރަކާތްތަކާއި އެއްވުންތައް ބޭއްވުމުގައި ޤާނޫނުތަކާއި ގަވާއިދުތަކާއި އެއްގޮތަށް ޢަމަލުކުރުމަށް ވަނީ އަންގާފައެވެ.

ކޯޓު އަމުރުތަކުން އެނގޭ ގޮތުގައި، ފުލުހުން އަދަދު ނޫހުގެ އޮފީހަށްވަދެ ބަލައި ފާސްކޮށް، އެ ނޫހުގެ ކޮމްޕިޓަރުތަކާއި ލެޕްޓޮޕްތަކުގެ ހާޑުޑިސްކުތައް ނަގައިގެން ގެންގޮސްފައި ވަނީ، އަދަދު ނޫހުން މާރިޗުމަހުގެ 28 ވަނަ ދުވަހު، ޝާއިޢުކުރި، ޑޮކިއުމެންޓްރީ "އައިޝާ" އާއި ގުޅިގެން ފުލުހުން ހިންގާ ތަޙްޤީޤަށެވެ.